പത്തനംതിട്ട: ( www.truevisionnews.com ) പോത്തുപാറ കെയ്ജീസ് കട്ട കമ്പനിയുടെ ജീവനക്കാർ താമസിക്കുന്ന കെട്ടിടത്തിലെ അടുക്കളയിൽ നിന്ന് രാജവെമ്പാലയെ പിടികൂടി.
അടുക്കളയിൽ നിന്നും പതിവില്ലാത്ത ശബ്ദം കേട്ട ജീവനക്കാർ സ്ലാബിനടിയിൽ നോക്കിയപ്പോളാണ് പാമ്പിനെ കണ്ടത്.
ഉടൻ തന്നെ ജീവനക്കാർ സ്ട്രൈക്കിംഗ് ഫോഴ്സിനെ അറിയിക്കുകയായിരുന്നു.
സ്ട്രൈക്കിംഗ് ഫോഴ്സ് എത്തി നടത്തിയ പരിശോധനയിലാണ് അടുക്കളയിലെ സ്ലാബിനടിയിലുള്ളത് രാജവെമ്പാലയാണെന്ന് തിരിച്ചറിഞ്ഞത്.
പിന്നാലെ സ്ട്രൈക്കിംഗ് ഫോഴ്സ് ഈ രാജവെമ്പാലയെ പിടികൂടുകയും ചെയ്തു. സ്ട്രൈക്കിംഗ് ഫോഴ്സ് പിടികൂടുന്ന പതിമൂന്നാമത്തെ രാജവെമ്പാലയാണിതെന്ന് അധികൃതർ അറിയിച്ചു.
സെക്ഷൻ ഫോറസ്റ്റ് ഓഫീസർ ആർ ദിൻഷ്, ബീറ്റ് ഫോറസ്റ്റ് ഓഫീസർമാരായ എ ജോസ്, എ അഭിലാഷ്, എസ് സുധീഷ്, വിപിൻ എന്നിവരാണ് സംഘത്തിലുണ്ടായിരുന്നത്.
#Unusual #noise #kitchen #looked #huge #kingcobra #under #slab #caught #strikingforce
