പത്തനംതിട്ട: (truevisionnews.com) പത്തനംതിട്ട കൂടൽമുറിഞ്ഞ കല്ലിൽ ഇന്ന് രാവിലെയുണ്ടായ വാഹനാപകടം വീട് എത്താനിരിക്കെ . വീട്ടിലേക്ക് അപകട സ്ഥലത്ത് നിന്ന് വെറും 10 കിലോമീറ്റർ മാത്രം ദൂരമുണ്ടായിരുന്നുള്ളൂ.
മരിച്ച മല്ലശ്ശേരി സ്വദേശികളായ അനുവും നിഖിലും നവദമ്പതികളാണ് . കഴിഞ്ഞ നവംബർ 30നായിരുന്നു ഇവരുടെ വിവാഹം. മലേഷ്യയിലെ യാത്ര കഴിഞ്ഞ് വിമാനത്തിൽ നിന്ന് മടങ്ങവേയാണ് ദാരുണാന്ത്യം.
ഇന്ന് രാവിലെ നാലരയ്ക്കുണ്ടായ അപകടത്തിൽ നിഖിന്റെ അച്ഛൻ മത്തായി ഈപ്പൻ, അനുവിന്റെ അച്ഛൻ ബിജു പി ജോർജ് എന്നിവരും അപകടത്തിൽ മരണപ്പെട്ടു.
അനു കോന്നി ആശുപത്രിയിൽവെച്ചും മറ്റ് മൂന്ന് പേർ സംഭവസ്ഥലത്ത് വെച്ചുമാണ് മരിച്ചത്. ആന്ധ്രക്കാരായ ശബരിമല തീർത്ഥാടകരുടെ ബസുമായിട്ടാണ് ഇവരുടെ കാർ കൂട്ടിയിടിച്ചത്. അപകടത്തിൽ നാലംഗ കുടുംബ സഞ്ചരിച്ചിരുന്ന മാരുതി സ്വിഫ്റ്റ് കാർ പൂർണ്ണമായി തകർന്നു.
ശബ്ദം കേട്ടാണ് നാട്ടുകാർ ഓടിവന്നത്. കാർ വെട്ടിപ്പൊളിച്ചാണ് ഇവരെ പുറത്തെടുത്തതെന്ന് രക്ഷാപ്രവർത്തനത്തിൽ പങ്കാളികളായ നാട്ടുകാർ പറയുന്നു. സംഭവ സ്ഥലത്ത് അപകടം സ്ഥിരമാണെന്നും നാട്ടുകാർ പറയുന്നു.
അതേ സമയം ഡ്രൈവർ ഉറങ്ങിപ്പോയതാകാം അപകടകാരണമെന്നാണ് പൊലീസിന്റെ പ്രാഥമിക നിഗമനം.
#Accident #Tragedy #returning #from #trip #Malaysia
