തലശ്ശേരി : ( www.truevisionnews.com ) ബൈക്കപകടത്തിൽ മരിച്ച തലശ്ശേരി മുബാറക് ഹയർ സെക്കണ്ടറി സ്കൂളിലെ പത്താം ക്ലാസ് വിദ്യാർത്ഥി മുഹമ്മദ് നബ്ഹാന് കണ്ണീരോടെ വിട.
ഇന്ന് രാവിലെയോടെയായിരുന്നു അപകടം. തലശേരിക്കടുത്ത് കൊളശേരി അണ്ടർ പാസിന് സമീപം നിയന്ത്രണം വിട്ട ബൈക്ക് പോസ്റ്റിലിടിക്കുകയായിരുന്നു .
അപകടത്തിൽ പരിക്കേറ്റ പത്താം ക്ലാസ് വിദ്യാർത്ഥിയായ മുഹമ്മദ് നബ്ഹാനാണ് മരിച്ചത്. മുഹമ്മദ് നബ്ഹാന്റെ അകാല നിര്യാണത്തിൽ അനുശോചിച്ച് തിങ്കളാഴ്ച സ്കൂളിന് അവധിയായിരിക്കുമെന്ന് പ്രിൻസിപ്പൽ, പ്രധാനധ്യാപകൻ എന്നിവർ അറിയിച്ചു.
സ്ക്കൂൾ ഗ്രൗണ്ടിൽ നടന്ന പൊതുദർശനത്തിൽ നിരവധിയാളുകൾ അന്തിമോപചാരമർപ്പിച്ചു.തുടർന്ന് നടന്ന മയ്യിത്ത് നമസ്ക്കാരത്തിന് അധ്യാപകൻ റബീസ് പുന്നോൽ നേതൃത്വം നൽകി.
അപകടത്തിൽ ഒപ്പമുണ്ടായിരുന്ന സഹയാത്രികനായ എടക്കാട് ഹസൻ മുക്കിലെ റിസ് വാൻ പരിക്കേറ്റ് തലശേരി മിഷൻ ആശുപത്രിയിൽ ചികിത്സയിലാണ്.
വടക്കുമ്പാട് കൂളി ബസാറിലെ ഹംദിൽ ടി.പി നവാസിൻ്റെയും, എം. റജുലയുടെയും മകനാണ്. നദ, നദ്റാൻ എന്നിവർ സഹോദരങ്ങളാണ്.
#MohammadNabhan #who #died #bike #accident #Thalassery #Monday #holiday #Thalassery #MubarakHSS
.jpg)
.jfif)
