#attack | സ്കൂളിൽ അതിക്രമിച്ചുകടന്ന് ക്ലാസ്‌മുറി അടിച്ചു തകർത്തു,ബേക്കറിയിലെ സി.സി.ടി.വി.കളും തകർത്തു; പൂർവ്വ വിദ്യാർഥിക്ക് തടവും പിഴയും

പത്തനംതിട്ട: (truevisionnews.com)കലഞ്ഞൂർ ഗവ. ഹയർ സെക്കൻഡറി സ്കൂളിൽ അതിക്രമിച്ചുകടന്ന്, ക്ലാസ്‌മുറിയുംമറ്റും അടിച്ചുതകർത്ത കേസിൽ മുൻ വിദ്യാർഥിക്ക് ഒരുവർഷം തടവും പതിനായിരം രൂപ പിഴയും ശിക്ഷ.

Also read: #mvgovindan | 'യുഡിഎഫ് ജയിച്ചത് അംഗീകരിക്കുന്നു, നാണംകെട്ട നിലയിൽ ഉണ്ടാക്കിയ ഭൂരിപക്ഷമാണ് രാഹുലിന്റേത്' -എം.വി ഗോവിന്ദന്‍

കലഞ്ഞൂർ കൊന്നേലയ്യം ഈട്ടിവിളയിൽ വടക്കേവീട്ടിൽ പ്രവീണിനെ (20)ആണ് പത്തനംതിട്ട ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതി ശിക്ഷിച്ചത്.

മജിസ്‌ട്രേറ്റ് കാർത്തിക പ്രസാദിന്റേതാണ് വിധി. 2023 നവംബർ 24-ന് പുലർച്ചെ 1.30-ന് സ്കൂളിലെത്തിയ ഇയാൾ ക്ലാസ്‌മുറിയിലെയും എൻ.സി.സി., എൻ.എസ്.എസ്. ഓഫീസുകളുടെയും ജനൽച്ചില്ലുകൾ അടിച്ചുതകർത്തു.

Also read: #dyfi | ഡിവൈഎഫ്ഐ പ്രവർത്തകർ തമ്മിലടിച്ചു; സംഘർഷം കൂത്തുപറമ്പ് രക്തസാക്ഷി ദിനാചരണത്തിന് പിന്നാലെ

പിന്നീട് സ്കൂളിന് സമീപമുള്ള ബേക്കറിയിലെ സി.സി.ടി.വി.കളും കലഞ്ഞൂർ ക്ഷേത്രത്തിന് സമീപം പാർക്ക് ചെയ്തിരുന്ന കാറിന്റെ ഗ്ലാസും അടിച്ചുതകർത്തു.

കൂടൽ പോലീസ് സ്ഥലത്തെത്തി ശ്രമകരമായാണ് പ്രതിയെ കീഴടക്കിയത്. എസ്.ഐ. ഷെമിമോൾ, എസ്.സി.പി.ഒ. സജികുമാർ എന്നിവർ അന്വേഷണം നടത്തി കുറ്റപത്രം സമർപ്പിച്ചു.

Also read: #airtel | എയര്‍ടെല്ലിന് വീട്ടില്‍ മതിയായ റേഞ്ചില്ലെന്ന് പരാതിയുമായി ഉപഭോക്താവ്; 33000 രൂപ പിഴ നൽകാൻ ഉത്തരവ്

പ്രോസിക്യൂഷനുവേണ്ടി അസി.പബ്ലിക് പ്രോസിക്യൂട്ടർ അഡ്വ. എം.ആർ. രാജ്മോഹൻ ഹാജരായി.

#broke #into #school #vandalized #classroom #also #vandalized #CCTVs #bakery #Imprisonment #fine #alumni