കൊല്ലം: (truevisionnews.com) കാസ്റ്റിംഗ് സംവിധായികയായ ടെസ് ജോസഫ് നടനും എംഎൽഎയുമായ മുകേഷിനെതിരെ ആരോപണവുമായി വീണ്ടും രംഗത്തെത്തിയതിന് പിന്നാലെ പ്രതിഷേധം ശക്തം.
മുകേഷിൻ്റെ കൊല്ലത്തെ വീട്ടിലേക്ക് യൂത്ത് കോൺഗ്രസ് പ്രതിഷേധ മാർച്ച് നടത്തി.
മുകേഷ് എംഎൽഎ സ്ഥാനം രാജിവെക്കണം എന്നാവശ്യപ്പെട്ടാണ് യൂത്ത് കോൺഗ്രസ് പ്രതിഷേധം സംഘടിപ്പിച്ചത്. പൊലീസ് ബാരിക്കേഡ് വെച്ച് പ്രതിഷേധം തടഞ്ഞു.
പ്രതിഷേധ സാഹചര്യം കണക്കിലെടുത്ത് മുകേഷിൻ്റെ വീടിന് പൊലീസ് സംരക്ഷണം ഏർപ്പെടുത്തുകയും മുകേഷിനെ വീട്ടിൽ നിന്നും മാറ്റുകയും ചെയ്തിരുന്നു.
കാസ്റ്റിംഗ് ഡയറക്‌ടർ ടെസ് ജോസഫ് മുകേഷിനെതിരെ ഉന്നയിച്ച മി ടൂ ആരോപണമാണ് വീണ്ടും ചർച്ചയായത്.
കോടീശ്വരൻ പരിപാടിയുടെ അവവതാരകനായിരുന്ന മുകേഷ് ഹോട്ടൽ റൂമിലെ ഫോണിൽ വിളിച്ച് നിരന്തരം ശല്യപ്പെടുത്തുമായിരുന്നുവെന്നാണ് ടെസ് ആരോപിക്കുന്നത്.
വഴങ്ങാതെ വന്നപ്പോൾ മുകേഷിൻ്റെ മുറിയ്ക്കടുത്തേക്ക് തന്നെ മാറ്റി എന്നും ടെസ് പറഞ്ഞിരുന്നു. പരിപാടിയുടെ അണിയറപ്രവർത്തകയായിരുന്നു ടെസ്.
തൻ്റെ ബോസ് ആണ് തന്നെ ഇതിൽ നിന്ന് രക്ഷിച്ചതെന്നും ടെസ് പറഞ്ഞു.
ഇത് നടൻ മുകേഷ് തന്നെയാണോ എന്നൊരാൾ പോസ്റ്റിന് താഴെയായി ചോദിച്ചപ്പോൾ മുകേഷിന്റെ ഫോട്ടോ കൂടി പോസ്റ്റ് ചെയ്ത് ടെസ് അതേയെന്നുത്തരം നൽകിയിരുന്നു.
#YouthCongress #march #Mukesh #house #Police #removed #MLA #house
