വയനാട് : (truevisionnews.com) ഉരുൾപൊട്ടലിൽ മരിച്ചവരെല്ലാം തങ്ങളുടെ കൂടപ്പിറപ്പുകളാണെന്ന് പ്രദേശവാസികൾ. 'ഞങ്ങൾ ജനിച്ച നാടാണിത്.
ഞങ്ങൾ പഠിച്ച സ്കൂളാണിത്. മുണ്ടക്കൈയാണെങ്കിലും ചൂരൽമലയാണെങ്കിലും ഞങ്ങൾ അറിയാത്ത ഒരു മനുഷ്യരില്ല.
മരിച്ചവരെയെല്ലാം ഞങ്ങൾക്കറിയാം. പക്ഷേ മരിച്ചുകഴിഞ്ഞപ്പോൾ തിരിച്ചറിയുന്നില്ല. മുണ്ടക്കൈയിലൊക്കെ കുറേ അന്യസംസ്ഥാന തൊഴിലാളികളുണ്ടെന്ന് പറയാറുണ്ട്.
അവരൊക്കെ അവിടെയുണ്ടോ എന്നറിയില്ല. ഇനിയൊരു ഉരുൾപൊട്ടലുണ്ടായാൽ എങ്ങനെയായിരിക്കുമെന്ന് പറയാനാകില്ല.
ഞങ്ങളുടെ വീടൊന്നും പോയിട്ടില്ലെങ്കിലും രാത്രി കിടന്നുറങ്ങാൻ ഇനി പേടിയാണ്. ഉറങ്ങിയെഴുന്നേറ്റാൽ മാത്രമേ എഴുന്നേറ്റെന്ന് പറയാനാകൂ'- പ്രദേശവാസികൾ പറഞ്ഞു.
#Tis #land #birth #school #learning #dead #reborn #afraid #sleep #now
