വടക്കാഞ്ചേരി: ( ( https://truevisionnews.com ) )മകളുടെ സുഹൃത്തായ പ്രായപൂര്‍ത്തിയാകാത്ത പെണ്‍കുട്ടിക്കുനേരെ ലൈംഗികാതിക്രമം നടത്തിയ കേസിലെ പ്രതിക്ക് അഞ്ചുവര്‍ഷം കഠിന തടവ്.
ചെറുതുരുത്തി മാണിക്കത്ത് പത്മ വിഹാറില്‍ പത്മകുമാറിനെ(53)യാണ് കോടതി ശിക്ഷിച്ചത്. അഞ്ചുവര്‍ഷം കഠിനതടവിനൊപ്പം അമ്പതിനായിരം രൂപ പിഴയും അടയ്ക്കണം.
പിഴ അടയ്ക്കാത്ത പക്ഷം മൂന്നു മാസം അധിക കഠിനതടവ് അനുഭവിക്കണമെന്നും വടക്കാഞ്ചേരി ഫാസ്റ്റ് ട്രാക്ക് സ്‌പെഷ്യല്‍ പോക്സോ കോടതി ജഡ്ജി ആര്‍. മിനി വിധിച്ചു.
2022-മാര്‍ച്ച് അഞ്ചിനായിരുന്നു കേസിനാസ്പദമായ സംഭവം. പെൺകുട്ടി കൂട്ടുകാരിയുടെ വീട്ടിലെത്തി സമയത്ത് കൂട്ടുകാരിയുടെ അച്ഛനായ പ്രതി രണ്ടു തവണ പെണ്‍കുട്ടിക്ക് നേരെ ലൈംഗികാതിക്രമം നടത്തി എന്നായിരുന്നു പ്രോസിക്യൂഷന് വാദം.
പ്രോസിക്യൂഷന് 23 സാക്ഷികളെ വിസ്തരിച്ച് 28 രേഖകള്‍ ഹാജരാക്കി. പ്രോസിക്യൂഷനുവേണ്ടി സ്‌പെഷ്യല്‍ പബ്ലിക് പ്രോസിക്യൂട്ടര്‍ ഇ.എ. സീനത്ത് ഹാജരായി.
ചെറുതുരുത്തി പോലീസ് സ്റ്റേഷന്‍ എസ്.ഐ ആയിരുന്ന പി.ബി. ബിന്ദുലാലാണ് കേസ് രജിസ്റ്റര്‍ ചെയ്ത് അന്വേഷണം നടത്തി കുറ്റപത്രം സമര്‍പ്പിച്ചത്. സി.പി.ഒ സനല്‍കുമാര്‍ പ്രോസിക്യൂഷന് നടപടികള്‍ ഏകോപിപ്പിച്ചു. പിഴത്തുക അതിജീവിതയ്ക്ക് നല്‍കാനും കോടതി നിർദേശിച്ചു.
#sexualassault #minor #accused #court #sentenced #five #year #imprisonment
