കണ്ണൂര്: ( www.truevisionnews.com ) പാനൂര് ബോംബ് സ്ഫോടനക്കേസില് മൂന്നുപേര് കൂടി അറസ്റ്റിലായ സംഭവത്തിൽ കൂടുതൽ വിവരങ്ങൾ പുറത്ത് . കതിരൂര് സ്വദേശികളായ സജിലേഷ്, ജിജോഷ്, വടകര സ്വദേശി ബാബു എന്നിവരാണ് അറസ്റ്റിലായത്.
കതിരൂര് മനോജ് വധക്കേസിലെ പ്രതിയാണ് സജിലേഷ്. വടകരയില്നിന്ന് ബാബു വെടിമരുന്ന് എത്തിച്ച് നല്കിയെന്നാണ് വിവരം. കേസില് 12 പ്രതികളാണ് ഉണ്ടായിരുന്നത്. ഇതില് രണ്ടുപേര് പരിക്കേറ്റ് ചികിത്സയിലാണ്.
രണ്ടാംപ്രതി ഷെറില് സ്ഫോടനത്തില് കൊല്ലപ്പെട്ടിരുന്നു. ബോംബ് നിർമിക്കാനുളള വെടിമരുന്ന് വാങ്ങിയത് ബാബുവിൽ നിന്നെന്നാണ് കണ്ടെത്തൽ. രജിലേഷും ജിജോഷും വെടിമരുന്ന് വാങ്ങി മുഖ്യപ്രതികൾക്ക് കൈമാറിയെന്ന് പൊലീസ് പറയുന്നു.
കേസിൽ ഇതുവരെ പന്ത്രണ്ട് പേരാണ് അറസ്റ്റിലായത്. രണ്ട് പേർ പരിക്കേറ്റ് ചികിത്സയിലാണ്. രണ്ടാം പ്രതി ഷെറിൽ സ്ഫോടനത്തിൽ കൊല്ലപ്പെട്ടിരുന്നു. മൂന്നുപേരെയും കസ്റ്റഡിയിലെടുത്ത പൊലീസ് ഏറെ നേരം ചോദ്യം ചെയ്തിരുന്നു. തുടര്ന്നാണ് ഇവരെ അറസ്റ്റ് ചെയ്തത്.
#panoor #bomb #blast #three #arrests