അഞ്ചല്‍ : (www.truevisionnews.com) പ്രണയംനടിച്ച്‌ പതിനാലുകാരിയെ ബൈക്കില്‍ കയറ്റി കറങ്ങുകയും പീഡിപ്പിക്കാൻ ശ്രമിക്കുകയും ചെയ്തെന്ന പരാതിയില്‍ ഇരുപതുകാരൻ അറസ്റ്റില്‍. ഇടമുളയ്ക്കല്‍ സ്വദേശി ആദിത്യനെ (20) യാണ് പോക്സോ നിയമപ്രകാരം അഞ്ചല്‍ പൊലീസ് അറസ്റ്റ് ചെയ്തത്.
കഴിഞ്ഞ ദിവസം ആണ് കേസിനാസ്പദമായ സംഭവം നടന്നത്. ഏതാനും നാളുകളായി പെണ്‍കുട്ടിയെ ശല്യം ചെയ്തു വരികയായിരുന്ന ആദിത്യൻ ബൈക്കില്‍ കടത്തികൊണ്ടുപോയി പീഡിപ്പിക്കാൻ ശ്രമിക്കുകയായിരുന്നു.
പിന്നീട് കുട്ടിയെ വീടിനു സമീപത്ത് ഉപേക്ഷിച്ച ശേഷം യുവാവ് രക്ഷപെട്ടു. ശേഷം വീട്ടിലെത്തിയ കുട്ടിയുടെ സ്വഭാവത്തില്‍ അസ്വഭാവികത തോന്നിയ മാതാപിതാക്കള്‍ വിവരം തിരക്കിയപ്പോഴാണ് പീഡനശ്രമം നടന്ന കാര്യം അറിഞ്ഞത്.
തുടര്‍ന്ന്, യുവാവിനെതിരെ കുട്ടിയുടെ മാതാപിതാക്കള്‍ അഞ്ചല്‍ പൊലീസില്‍ പരാതി നല്‍കുകയായിരുന്നു. പൊലീസിന്‍റെ അന്വേഷണത്തിലാണ് പ്രതിയെ ഇടമുളയ്ക്കല്‍ നിന്ന് അറസ്റ്റ് ചെയ്തത്. കോടതിയില്‍ ഹാജരാക്കിയ പ്രതിയെ റിമാൻഡ് ചെയ്തു.
Complaint that he tried to torture a 14-year-old girl by pretending to be in love; A 20-year-old man was arrested
.jpeg)
