കോഴിക്കോട് : ( www.truevisionnews.com ) കുറ്റ്യാടി നരിക്കൂട്ടുംച്ചാലിൽ അമ്മയേയും കൂട്ടി ബൈക്കിൽ പോകുകയായിരുന്ന വിദ്യാർത്ഥി കാറിടിച്ച് മരിച്ചു. നരിക്കൂട്ടുംചാൽ പുത്തൻപുരയിൽ ബാലൻ്റെ മകൻ രോഹിൻ (മോനുട്ടൻ 19 ) ആണ് മരണപ്പെട്ടത്.
Also read:
9.341 കിലോ കഞ്ചാവുമായി ദമ്പതികൾ പിടിയിൽ
നരിക്കൂട്ടുംചാൽ റേഷൻ ഷോപ്പിന് സമീപത്ത് വെച്ച് ഇന്നലെ രാത്രി 11 മണിയോടെയാണ് അപകടം. ലുലു സാരീസിൽ ജോലി ചെയ്യുന്ന അമ്മയേയും കൂട്ടി ബൈക്കിൽ വീട്ടിലേക്ക് പോകുമ്പോൾ നിയന്ത്രണം വിട്ട കാറിടിച്ചാണ് അപകടം.
മൊകേരി ഗവൺമെൻറ് കോളേജ് രണ്ടാംവർഷ ഡിഗ്രി വിദ്യാർഥിയാണ് രോഹിൻ. പൊതുദർശനം ഉച്ചയ്ക്ക് 2 മണിയോടെ നടുപൊയിൽ റോഡിലെ വീട്ടിൽ വച്ച് നടക്കും.
#Student #who #was #riding #bike #with #his #mother #died #Kuttiadi #Kozhikode
