#Suryajithdeath | സൂര്യജിത്തിന് ഇന്ന് വിട നൽകും; പുറമേരി വീട്ടുവളപ്പിൽ ഇന്ന് വൈകിട്ട് സംസ്‌കാരം

പുറമേരി: (truevisionnews.com)  കൂട്ടുകാരനോടൊപ്പം കുളിക്കാനിറങ്ങിയതിനിടയിൽ പുറമേരിയിൽ പറക്കുളത്തിൽ മുങ്ങി മരിച്ച സൂര്യജിത്തിന്റെ വേർപാടിൽ ഉൾക്കൊള്ളാനാവാതെ നാടും കൂട്ടുകാരും.

Also read: വിവാഹ ഘോഷയാത്രയ്‌ക്ക് ജാതിപരമായ എതിർപ്പ്; ദളിത് വരന് സുരക്ഷയൊരുക്കി 200 പോലീസുകാര്‍

മൃതദേഹം പോസ്റ്റുമോർട്ടത്തിനായി വടകര ഗവ. ജില്ലാ ആശുപത്രിയിൽ നിന്നും കോഴിക്കോട് മെഡിക്കൽ കോളേജിലേക്ക് കൊണ്ടുപോകും. പോസ്റ്റുമോർട്ടത്തിണ് ശേഷം സൂര്യജിത്തിന്റെ മൃതദേഹം ഇന്ന് വൈകീട്ട് 4 മണിക്ക് ശേഷം വീട്ടുവളപ്പിൽ സംസ്കരിക്കും .

ജീവിത പ്രാരാബ്ധങ്ങൾക്കിടയിലും നിഷ്കളങ്കമായ അവന്റെ കളിചിരികളോർത്ത് വിതുമ്പുകയാണ് പ്രിയപ്പെട്ട ഉറ്റവരും ഉടയവരും.

Also read: ബൈക്കുകൾ കൂട്ടിയിടിച്ചുണ്ടായ അപകടം; ചികിത്സയിലായിരുന്ന ഒരാൾ കൂടി മരിച്ചു

പുറമേരി കടത്തനാട് രാജാസ് ഹയർ സെക്കണ്ടറി സ്കൂളിലെ പ്ലസ് വൺ വിദ്യാർത്ഥി പുറമേരി അറാം വെള്ളിയിലെ നടുക്കണ്ടിൽ സൂര്യജിത്ത് (16 ) ആണ് ഇന്നലെ പാറക്കുളത്തിൽ മുങ്ങി മരിച്ചത്.

വീട്ടിൽ വൈദ്യുതി വെളിച്ചം ലഭിച്ചതിൻ്റെ സന്തോഷം പങ്കുവെക്കാൻ ക്ഷണിച്ചു വരുത്തിയ കൂട്ടുകാരനോടൊപ്പം വീടിന് സമീപത്തെ പാറക്കുളത്തിൽ കുളിക്കാനിറങ്ങിയതായിരുന്നു സൂര്യജിത്ത്.ഇന്നലെ ഉച്ചക്ക് രണ്ടരയോടെയായിരുന്നു അപകടം.

Also read: ചേന്ദമംഗലം കൂട്ടക്കൊല; ജിതിൻ ബോസ് കൊല്ലപ്പെടാത്തതിൽ നിരാശയുണ്ടെന്ന് പ്രതി റിതു

വീടിനടുത്തെ കരിങ്കൽ പാറവെട്ടിയപ്പോൾ രൂപപ്പെട്ട അറാംവെള്ളി കുളത്തിൽ മുങ്ങിത്താഴുകയായിരുന്നു. സൂര്യജിത്തിന് നീന്തൽ വശമില്ല. നീന്തൽ അറിയാവുന്ന തൂണേരി സ്വദേശിയായ വിദ്യാർത്ഥി സമീപത്തെ ക്ലബിൽ ഉണ്ടായിരുന്ന ആളുകളെ വിളിച്ചു വരുത്തി.

ഇവർ നടത്തിയ തിരച്ചിലിൽ പത്ത് മിനിറ്റിന് ശേഷമാണ് കുളത്തിന് അടിയിലെ ചെളിയിൽ കുടുങ്ങിയ കുട്ടിയെ കണ്ടെത്തിയത്.നാദാപുരം ഗവ. താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.

Also read: അവിശ്വാസ പ്രമേയത്തെ അനുകൂലിച്ച് വോട്ട് ചെയ്തു; പനമരത്ത് വാർഡ് മെമ്പർക്ക് നേരെ ആക്രമണം

മരപ്പണിക്കാരനായ ശശിയുടെയും മോനിഷയുടെയും മകനാണ് സൂര്യജിത്ത്. മുതുവടത്തൂർ സ്വദേശികളായ ശശിയും കുടുംവും ഒരു വർഷം മുമ്പാണ് അറാം വള്ളിയിൽ വീട് നിർമിക്കാനായി സ്ഥലം വാങ്ങിയത്.

ഇവിടെ താൽക്കാലിക ഷെഡ് കെട്ടിയാണ് ശശിയും ഭാര്യയും രണ്ട് മക്കളും താമസിച്ചിരുന്നത്. ഇവിടെ വൈദ്യുതി കണക്ഷൻ ലഭിച്ചിരുന്നില്ല. മണ്ണെണ്ണ വിളക്കിന്റെയും മെഴുതിരി വെളിച്ചത്തിന്റെയും സഹായത്തോടെയാണ് സൂര്യജിത്തും സഹോദരി തേജാ ലക്ഷ്മിയും പഠിച്ചിരുന്നത്.

കഴിഞ്ഞ ദിവസമാണ് ഈ വീട്ടിൽ വൈദ്യുതി കണക്ഷൻ ലഭിച്ചത്. ഏറെ കാലത്തെ കാത്തിരിപ്പിനൊടുവിൽ വന്ന സന്തോഷം പങ്കുവെക്കാനാണ് തന്റെ സഹപാഠിയായ തൂണേരി സ്വദേശി കൂട്ടുകാരനെ സൂര്യജിത് വീട്ടിലേക്ക് ക്ഷണിച്ചത്.

പ്ലസ് വൺ ക്ലാസിലെ മിടുക്കനായ വിദ്യാർത്ഥിയുടെ വേർപാടിൽ സഹപാഠികൾക്ക് ഇനിയും ഉൾക്കൊള്ളാനായിട്ടില്ല. കെ ആർ ഹൈസ്കൂൾ അങ്കണത്തിൽ പൊതുദർശനത്തിന് വെക്കാനായിരുന്നു നാട്ടുകാർ നേരത്തെ ആലോചിരുന്നത്.

എന്നാൽ പോസ്റ്റ്മോർട്ടം വടകരയിൽ നിന്ന് മെഡിക്കൽ കോളേജിലേക്ക് മാറ്റിയതിനാൽ മൃതദേഹം വിട്ടു കിട്ടുന്നത് വൈകും.

#cremation #Suryajith #who #drowned #Pakkulam #Puramari #today