#Pepperspray | പൊലീസിന് നേരെ വാക്കത്തി വീശി വെട്ടുകേസ് പ്രതി; ഒടുവിൽ കീഴ്‌പ്പെടുത്തിയത് കുരുമുളക് സ്പ്രേ ചെയ്ത്

അടിമാലി: (truevisionnews.com)പിടിക്കാനെത്തിയ പൊലീസിന് നേരെ വെട്ടുകേസ് പ്രതി വാക്കത്തി വീശി. ഒടുവിൽ കുരുമുളക് സ്പ്രേ ചെയ്ത് ഏറെ നേരത്തെ പരിശ്രമത്തിനൊടുവിൽ പൊലീസ് പ്രതിയെ കീഴടക്കി.

Also read: #Mannarkkadaccident | 'ഞെട്ടിക്കുന്നതും ദാരുണവും'; കല്ലടിക്കോട് അപകടത്തില്‍ അനുശോചിച്ച് മുഖ്യമന്ത്രി

അടിമാലി പൊലീസ് സ്റ്റേഷൻ പരിധിയിൽ ഒഴുവത്തടത്താണ് സിനിമ തിരക്കഥയെ വെല്ലുന്ന രീതിയിൽ പ്രതിയെ പിടികൂടിയത്.

ഒഴുവത്തടം ട്രൈബൽ സെറ്റിൽമെന്റിലെ ജോമോനെയാണ് അടിമാലി സി.ഐ പ്രിൻസ് ജോസഫിൻ്റെ നേതൃത്വത്തിൽ പിടികൂടിയത്.

Also read: #Mannarkkadaccident | 'സ്ഥിരം അപകട മേഖല, അശാസ്ത്രീയമായ വളവും, മിനുസവും; കല്ലടിക്കോട് അപകടത്തില്‍ റോഡ് ഉപരോധിച്ച് നാട്ടുകാര്‍

ഒഴുവത്തടം തടത്തിൽ ജോസഫ് മാത്യു(30)നെ വെട്ടിപ്പരിക്കേൽപ്പിച്ച കേസിലെ പ്രതിയാണിയാൾ. അടിമാലി പൊലീസ് ജോമോന്റെ വീട്ടിൽ എത്തിയതോടെ വാക്കത്തി എടുത്ത് കൊലവിളി നടത്തുകയായിരുന്നു.

കൂടുതൽ പൊലീസ് ഉണ്ടെന്ന് മനസിലാക്കിയ ജോമോൻ പിൻവാതിലിലൂടെ വനത്തിലേക്ക് രക്ഷപ്പെടാൻ ശ്രമിച്ചു. ഇതോടെ പൊലീസ് വളഞ്ഞു. പിന്നെ പൊലീസിന് നേരെ വാക്കത്തി വീശി. ഇതോടെയാണ് പൊലീസ് കുരുമുളക് സ്പ്രേ പ്രയോഗിച്ചത്.

Also read: #accident | അമിതവേഗതയിലെത്തിയ ഓട്ടോ കാൽനട യാത്രക്കാരിയെ ഇടിച്ചുതെറിപ്പിച്ചു; ഡ്രൈവർ മദ്യലഹരിയിലെന്ന് നാട്ടുകാർ

പിടികൂടിയെങ്കിലും ഏറെ നേരത്തെ മൽപിടുത്തത്തിന് ശേഷമാണ് ജോമോൻ വഴങ്ങിയത്. വീട്ടിൽ നിർത്തിയിട്ട വാഹനങ്ങൾ കേടുവരുത്തിയ സംഭവങ്ങളിലും സ്ത്രീകൾ മാത്രമുള്ള വീടുകളിൽ പകലും രാത്രിയും ശല്യപ്പെടുത്തിയ സംഭവങ്ങളിലും ഇയാൾ പ്രതിയാണ്.

കൂടാതെ വനം -എക്സൈസ് വകുപ്പുകളിലും ഇയാൾക്കെതിരെ കേസ് ഉണ്ടെന്നും അടിമാലി പൊലീസ് പറഞ്ഞു.

Also read: #accident | നിയന്ത്രണം വിട്ട് സ്കൂൾ ബസ് മതിലിലിടിച്ച് അപകടം; വിദ്യാർത്ഥികൾക്ക് പരിക്ക്

സംഘത്തിൽ എസ്.ഐമാരായ അബ്ബാസ്, കെ.ഡി. മണിയൻ, സെബാസ്റ്റ്യൻ എന്നിവരും ഉണ്ടായിരുന്നു.

#Accused #slashing #case #hurled #words #police #finally #subdued #pepper #spray