കോഴിക്കോട് : ( www.truevisionnews.com ) കൊയിലാണ്ടി കുറുവങ്ങാടുണ്ടായ ബൈക്ക് അപകടത്തിൽ കണയൻകോട് സ്വദേശിയായ വിദ്യാർത്ഥിക്ക് ഗുരുതര പരിക്ക്. കുട്ടോത്ത്‌മീത്തൽ അലൂഷ്യസ് ബി.എസ് എന്നയാൾക്കാണ് പരിക്കേറ്റത്. ഇന്ന് വൈകുന്നേരം 4.30ഓടെയായിരുന്നു അപകടം.
ബൈക്കിൽ വീട്ടിലേക്ക് പോകവെ അതേ ദിശയിൽ വന്ന സ്‌കൂട്ടി പിന്നിൽ ഇടിച്ച് അല്യൂഷ്യൂസ് റോഡിലേക്ക് തെറിച്ചു വീഴുകയായിരുന്നു. ആഷിക്ക് (27, ഷാജഹാൻ (20), മൻസൂർ (28) എന്നിവരായിരുന്നു സ്‌കൂട്ടിയിൽ ഉണ്ടായിരുന്നത്.
അപകടത്തിൽ തലയ്ക്ക് ഗുരുതരമായി പരിക്കേറ്റ ഇയാളെ നാട്ടുകാർ ഉടൻ തന്നെ കൊയിലാണ്ടി താലൂക്ക് ആശുപത്രിയിൽ പ്രവേശിപ്പിച്ചു. ഇവിടെനിന്നും പ്രാഥമിക ചികിത്സയ്ക്ക് ശേഷം കോഴിക്കോട് മെഡിക്കൽ കോളേജിലേക്ക് മാറ്റി.
വിവരമറിഞ്ഞ് കൊയിലാണ്ടി പോലീസ് സ്ഥലത്തെത്തിയിരുന്നു. തുടർന്ന് നടത്തിയ പരിശോധനയിൽ സ്‌കൂട്ടിയിൽ സഞ്ചരിച്ച യുവാക്കളിൽ നിന്നും ചെറിയ അളവിൽ ഹാഷിഷ് ഓയിൽ പോലീസ് കണ്ടെത്തു.
ഇതെ തുടർന്ന് ഷാജഹാൻ, ആഷിക്ക് എന്നിവരെ പോലീസ് കസ്റ്റഡിയിലെടുത്തു. വൈദ്യപരിശോധനയിൽ ഇവർ ലഹരി ഉപയോഗിച്ചതായും തെളിഞ്ഞു.
അപകടത്തിന് പിന്നാലെ സംഭവസ്ഥലത്ത് നിന്നും മൻസൂർ ഓടി രക്ഷപ്പെട്ടിരുന്നു. എന്നാൽ ഓടുന്നതിനിടെ റോഡരികിൽ വീണ ഇയാളെ നാട്ടുകാർ ചേർന്ന് കൊയിലാണ്ടി താലൂക്ക് ആശുപത്രയിൽ എത്തിച്ചു.
പരിക്ക് ഗുരുതരമായതിനാൽ ഇയാളെയും കോഴിക്കോട് മെഡിക്കൽ കോളേജിലേക്ക് മാറ്റി. വാഹനം ഓടിച്ചിരുന്നത് മൻസൂർ ആണെന്നാണ് ഷാജഹാനും ആഷിക്കും പറയുന്നത്.
#Kozhikode #student #seriously #injured #after #scooter #hit #bike #After #hashishoil #obtained #Scooty
.jpeg)
.jpeg)
.jpeg)
