മലപ്പുറം: (truevisionnews.com) മലപ്പുറം ലോക്സഭാ മണ്ഡലത്തിലെ എന്ഡിഎ സ്ഥാനാര്ത്ഥി ഡോ. എം. അബ്ദുള് സലാമിന്റെ പ്രസ്താവന മാധ്യമങ്ങള് തെറ്റായി പ്രചരിപ്പിച്ചതാണെന്ന് ബിജെപി സംസ്ഥാന സമിതി അംഗം സന്ദീപ് വാര്യര്.
മുമ്പും മാധ്യമങ്ങള് ഇത്തരത്തില് അബ്ദുള് സലാമിനെ കുറിച്ച് തെറ്റായ വാര്ത്ത നല്കിയിരുന്നു.
ഇന്നലെ തൃശൂരില് നടന്ന പരിപാടിയില് മോദിയുമായി വേദി പങ്കിട്ടതും സലാമിനോട് പ്രത്യേകം സംസാരിച്ചതും രാജ്യം മുഴുവനുമുള്ള ജനങ്ങള് കണ്ടതാണെന്നും അദ്ദേഹം വ്യക്തമാക്കി.
മലപ്പുറം ബിജെപി ജില്ലാ കമ്മിറ്റി ഓഫീസില് നടന്ന വാര്ത്താ സമ്മേളനത്തില് സംസാരിക്കുകയായിരുന്നു അദ്ദേഹം. കേരളത്തില് ഇടതുപക്ഷം മത്സരിക്കുന്നത് സ്വന്തം ചിഹ്നം നിലനിര്ത്താനാണെങ്കില് കോണ്ഗ്രസ് മത്സരിക്കുന്നത് മറ്റാരും പ്രതിപക്ഷത്ത് വരാതിരിക്കാന് 40 സീറ്റില് ജയിക്കാനാണ്.
മോദിയുടെ നേതൃത്വത്തില് ഉജ്ജ്വല വിജയം നേടി എന്ഡിഎ അധികാരത്തില് വരാന്പോകുന്നു എന്ന് പ്രതിപക്ഷ പാര്ട്ടികള്വരെ വിശ്വാസിക്കുന്ന സ്ഥിതിവിശേഷത്തിലാണ് ഈ ലോക്സഭാ തെരഞ്ഞെടുപ്പ് നടക്കുന്നത്.
മുന്കാലങ്ങളെ അപേക്ഷിച്ച് എന്ഡിഎ കേരളത്തിലെ 20 മണ്ഡലങ്ങളിലും ശക്തമായ മത്സരമാണ് കാഴ്ച്ച വയ്ക്കുന്നത്. വിവിധ സര്വ്വേകളില് വരുന്ന കണക്കുകള് പരിശോധിച്ചാല് അത് ബോധ്യമാവും. കേരളത്തില് ഇടതു സര്ക്കാരിന് തെരഞ്ഞെടുപ്പില് ഉയര്ത്തികാട്ടാന് ഒരു ഭരണനേട്ടവുമില്ലാത്ത അവസ്ഥയാണ്.
കോണ്ഗ്രസിന്റെ എംപിമാര് മണ്ഡലത്തില് ചെയ്തത് എന്തെന്ന് കണ്ടെത്തി ജനങ്ങളുടെ മുന്നില് അവതരിപ്പിക്കാനാവാത്ത അവസ്ഥയിലാണ്.
ഇതിനിടയിലാണ് കേന്ദ്ര സര്ക്കാരിന്റെ ജനക്ഷേമപ്രവര്ത്തനങ്ങള് ഉയര്ത്തി മൂന്നാം മോദി സര്ക്കാരിന് വേണ്ടി എന്ഡിഎ തെരഞ്ഞെടുപ്പില് മത്സരിക്കുന്നതെന്ന് അദ്ദേഹം പറഞ്ഞു.
#Abdulsalam'#statement #misreported #media: #SandeepWarrier