തിരൂർ: (truevisionnews.com) ഡോ. എം.പി അബ്ദുസ്സമദ് സമദാനി കേവലം ഒരു രാഷ്ട്രീയക്കാരനല്ലെന്നും സകല വിഷയങ്ങളിലും അവഗാഹമുള്ള മഹാ പണ്ഡിതനാണെന്നും കോൺഗ്രസ് നേതാവ് വി.ടി ബലറാം പറഞ്ഞു.
തൃത്താല നിയോജക മണ്ഡലത്തിലെ വിവിധ ഭാഗങ്ങളിൽ നടന്ന മാനവ സൗഹൃദ സദസ്സുകളിൽ പ്രസംഗിക്കുകയായിരുന്നു അദ്ദേഹം.
സാംസ്കാരിക വ്യക്തിത്വമാണ് അദ്ദേഹത്തിന്റേത്. സകല വിഷയങ്ങളിലും അതീവ അവഗാഹമുള്ള അദ്ദേഹം പ്രഭാഷണങ്ങൾക്ക് പുറമെ നിരവധി പുസ്തകങ്ങൾക്ക് അവതാരികയെഴുതുകയും ഒട്ടേറെ പുസ്തകങ്ങളെഴുതുകയും ചെയ്തിട്ടുണ്ട്.
ഹിന്ദി, ഉറുദു, ഇംഗ്ലീഷ്, അറബി തുടങ്ങിയ പല ഭാഷകളിലും കാവ്യാത്മകമായി സംസാരിക്കുന്ന സമദാനി സംസ്കൃത ശ്ലോകങ്ങൾ ചൊല്ലുന്നത് കേട്ടാൽ അത്ഭുതം തോന്നും.
അത്രക്ക് അപാര സിദ്ധിയുള്ള മഹാമനുഷ്യനാണ് സമദാനി. അദ്ദേഹം പറഞ്ഞു.
സമദാനിക്ക് വോട്ട് ചെയ്യാൻ സൗഭാഗ്യം ലഭിച്ച പൊന്നാനി പാർലമെൻ്റ് മണ്ഡലത്തിലെ വോട്ടർമാരോട് മറ്റു എല്ലാ മണ്ഡലങ്ങളിലെ വോട്ടർമാർക്കും അസൂസയുണ്ടാവുമെന്നും മികച്ച ഭൂരിപക്ഷത്തിൽ സമദാനി വിജയിക്കണമെന്നും അദ്ദേഹം കൂട്ടിച്ചേർത്തു.
വിവിധയിടങ്ങളിലെ സംഗമങ്ങളിൽ മുൻ ഡി.സി.സി പ്രസിഡൻ്റ് സി.വി ബാലചന്ദ്രൻ മാസ്റ്ററും സംസാരിച്ചു.
പൊന്നാനി മണ്ഡലം സി.പി.എമ്മിന് വെറും പരീക്ഷണശാലയാണെന്നും ഓരോ തിരഞ്ഞെടുപ്പിലും ഓരോ തരം അടവ് പരീക്ഷിക്കുകയാണവരെന്നും അദ്ദേഹം പറഞ്ഞു.
#Samadani #great #scholar #who #knowledgeable #subjects - #VTBalaram