വാടാനപ്പള്ളി ( തൃശ്ശൂർ ): (truevisionnews.com) തൃശ്ശൂരിന്റെ തീരദേശത്തിന്റെ മനസറിഞ്ഞ് കെ മുരളീധരന്റെ തീരദേശ റോഡ് ഷോ.
കുഞ്ഞു കവിതകൾ കൊണ്ട് വലിയ കാര്യങ്ങൾ പറഞ്ഞ കുഞ്ഞുണ്ണിമാഷുടെ ജന്മദേശമായ വലപ്പാട് നിന്നും ആരംഭിച്ച തീരദേശ റോഡ് ഷോ മുസ്ലിം യൂത്ത് ലീഗ് സംസ്ഥാന അധ്യക്ഷൻ പാണക്കാട് മുനവറലി ശിഹാബ് തങ്ങൾ ഉദ്ഘാടനം ചെയ്തു.
കെ മുരളീധരന് പങ്കായം നൽകിയും വലകൊണ്ട് മാലയണിയിച്ചുമാണ് തങ്ങൾ ഉദ്ഘാടനം നിർവഹിച്ചത്. രാജ്യത്തിൻറെ മതേതരത്വവും ഭരണഘടനാ മൂല്യങ്ങളും സംരക്ഷിക്കാൻ ഇന്ത്യ മുന്നണി അധികാരത്തിൽ വരണമെന്ന് തങ്ങൾ പറഞ്ഞു.
കേരളത്തിൻറെ തീരദേശ മേഖലയ്ക്ക് എന്നും താങ്ങും തണലുമായത് യുഡിഎഫ് സർക്കാരുകളാണ് എന്ന് അദ്ദേഹം ഓർമിപ്പിച്ചു.
മുസ്ലിംലീഗ് നേതാവ് ഹാറൂൺ റഷീദ്, ടി.എൻ പ്രതാപൻ എം.പി, ജോസ് വള്ളൂർ. അനിൽ പുളിക്കൻ, സുനിൽ അന്തിക്കാട് എന്നിവർ സംസാരിച്ചു നൂറുകണക്കിന് ഇരുചക്രവാഹനങ്ങളുടെ അകമ്പടിയോടെയാണ് യാത്ര നടന്നത്.
കഴിമ്പ്രം ബീച്ച് മുതൽ പുന്നയൂർക്കുളം മന്ദലാംകുന്ന് ബീച്ച് വരെയാണ് യാത്ര. തീരദേശ മേഖലയിലെ പ്രശ്നങ്ങൾ പരിഹരിക്കാൻ മുൻകൈ എടുക്കുമെന്ന് തീരദേശ വാസികൾക്ക് കെ.മുരളീധരൻ ഉറപ്പുനൽകി.
#KMuraleedharan #Coastal #RoadShow #created #excitement
