മംഗളൂരു: ( www.truevisionnews.com ) മാണ്ഡ്യ ജില്ലയിലെ ശ്രീരംഗപട്ടണത്ത് ഉന്തുവണ്ടിയിൽ നിന്ന് ഐസ്ക്രീം വാങ്ങി കഴിച്ച ഒന്നര വയസുള്ള ഇരട്ട കുഞ്ഞുങ്ങൾ മരിച്ചു. ഇവരുടെ മാതാവിനെ അവശനിലയിൽ ആശുപത്രിയിൽ പ്രവേശിപ്പിച്ചു.
ബെട്ടഹള്ളിയിലെ പ്രസന്ന -പൂജ ദമ്പതികളുടെ മക്കളായ ത്രിശൂൽ, ത്രിശ എന്നിവരാണ് മരിച്ചത്. പൂജ മാണ്ഡ്യ ജില്ല ആശുപത്രിയിൽ തീവ്രപരിചരണ വിഭാഗത്തിലാണ്.
ബുധനാഴ്ച വൈകുന്നേരം ഐസ്ക്രീം കഴിച്ച മൂവർക്കും അസ്വസ്ഥത അനുഭവപ്പെടുകയായിരുന്നു. കുട്ടികൾ ആശുപത്രിയിൽ ചികിത്സക്കിടെയാണ് മരിച്ചത്.
വേറേയും നിരവധി പേർ ഈ വില്പനക്കാരനിൽ നിന്ന് ഐസ്ക്രീം വാങ്ങി കഴിച്ചെങ്കിലും പ്രശ്നങ്ങൾ റിപ്പോർട്ട് ചെയ്തിട്ടില്ലെന്ന് അറകെരെ പൊലീസ് പറഞ്ഞു. പ്രസന്നയുടെ പരാതിയിൽ പൊലീസ് കേസെടുത്ത് അന്വേഷണം ആരംഭിച്ചു.
#one #a #half #year #old #twins #die #eating #ice #cream #mother #hospital
