തൃശ്ശൂർ : (truevisionnews.com) ജനാധിപത്യ പ്രക്രിയയിൽ വോട്ടർമാരാണ് ദൈവങ്ങൾ എന്ന കാര്യം മതത്തിൻ്റെയും വിശ്വാസങ്ങളുടെയും പേരിൽ വോട്ട് പിടിക്കുന്നവർ മറന്നുപോകരുതെന്ന് സി പി ഐ സംസ്ഥാന സെക്രട്ടറി ബിനോയ് വിശ്വം അഭിപ്രായപ്പെട്ടു.
തൃശൂര് ലോക്സഭാ മണ്ഡലം എല് ഡി എഫ് സ്ഥാനാര്ത്ഥി അഡ്വ. വി എസ് സുനില്കുമാറിന്റെ തെരഞ്ഞെടുപ്പ് പ്രചരണത്തിന്റെ ഭാഗമായി വീടുകളില് വിതരണം ചെയ്യുന്നതിന് എല് ഡി എഫ് തൃശൂര് ലോക്സഭാ മണ്ഡലം കേന്ദ്ര തെരഞ്ഞെടുപ്പ് കമ്മിറ്റി സുനിശ്ചിതം എന്ന പേരില് തയ്യാറാക്കിയ വികസനരേഖയുടെ പ്രകാശനം നിർവ്വഹിച്ച് സംസാരിക്കുകയായിരുന്നു അദ്ദേഹം.
ലോകത്തിലെ ഏറ്റവും വലിയ ജനാധിപത്യ രാജ്യമായ ഇന്ത്യയുടെ ബഹുസ്വരതയും സൗന്ദര്യവും നിലനിർത്തുന്നതിനും സംരക്ഷിക്കുന്നതിനുമുള്ള പോരാട്ടത്തിൽ നിന്ന് ജനാധിപത്യ ബോധമുള്ള ഒരാൾക്കും ഒഴിഞ്ഞു നിൽക്കാൻ കഴിയില്ലയെന്നും അദ്ദേഹം കൂട്ടിച്ചേർത്തു.
കേന്ദ്ര തെരഞ്ഞെടുപ്പ് കമ്മിറ്റി ഓഫീസില് ചേര്ന്ന ഹ്രസ്വമായ ചടങ്ങില് എം കെ കണ്ണന് അദ്ധ്യക്ഷനായി. എല് ഡി എഫ് നേതാക്കളായ കെ പി രാജേന്ദ്രന്, കെ കെ വത്സരാജ്, ഉണ്ണികൃഷ്ണന് ഈച്ചരത്ത്, സി ആര് വത്സന്,
സയ്യിദ് ഷെബീല് ഹൈദ്രൂസി തങ്ങള്, ഫ്രെഡി കെ താഴത്ത്, ഷീന പറയങ്ങാട്ടില്, അഡ്വ. കെ ബി സുമേഷ്, എം കെ തങ്കപ്പൻ, പോൾ എം ചാക്കോ, ജെയ്സൺ മാണി തുടങ്ങിയവര് പങ്കെടുത്തു.
#Gods #voters #democratic #process - #BinoyVishwam