പാലക്കാട് : (truevisionnews.com) അതിരില്ലാത്ത സ്നേഹം ഏറ്റുവാങ്ങിയാണ് യു. ഡി. എഫ് സ്ഥാനാർഥി വി. കെ ശ്രീകണ്ഠന്റെ ഓരോ മണ്ഡലത്തിലെയും പര്യടനം മുന്നേറുന്നത്.
ഒറ്റപ്പാലം നിയോജക മണ്ഡലത്തിലെ ശ്രീകൃഷ്ണപുരത്ത് നടന്ന പര്യടനവും സമാനതകളില്ലാത്ത സ്നേഹം ഏറ്റുവാങ്ങി തന്നെയായിരുന്നു. സ്വീകരണ കേന്ദ്രങ്ങളിലും വഴിയോരങ്ങളിലും കുട്ടികളും വായോധികരും ഉൾപ്പെടെ നിരവധി പേരാണ് കടുത്ത ചൂട് അവഗണിച്ച് ഉച്ച നേരത്തും സ്ഥാനാർഥിയെ കാണാനായി കാത്തുനിന്നത്.
വീടിന് മുറ്റത്ത് കാത്തുനിന്നവർക്കെല്ലാം കൈവീശി അഭിവാദ്യം നേർന്നാണ് സ്ഥാനാർഥി മുന്നോട്ടു പോയത്. കനത്ത ചൂട് ആയതിനാൽ പലരും സ്ഥാനാർഥിക്ക് സംഭാരവും, നാരങ്ങവെള്ളവും ഉൾപ്പെടെ നൽകിയാണ് കരുതൽ കാണിക്കുന്നത്.
രാവിലെ കോണിക്കഴിയിൽ നിന്നും ആരംഭിച്ച പര്യടനം 20 കേന്ദ്രങ്ങളിൽ സ്വീകരണത്തിന് ശേഷം കൊളക്കാട്ടുകുറുശ്ശിയിൽ സമാപിച്ചു. മണ്ഡലത്തിൽ നടപ്പാക്കിയ വികസനങൾ എണ്ണിപ്പറഞ്ഞാണ് സ്ഥാനാർഥി വോട്ട് അഭ്യർത്ഥിച്ചത്.
ശ്രീകണ്ഠനെ വരച്ച പെൻസിൽ ചിത്രങ്ങളും, ഫോട്ടോയുമെല്ലാം കുട്ടികൾ ഉൾപ്പെടെ പലരും സമ്മാനമായി സ്ഥാനാർഥിക്ക് നൽകി.
വൈകീട്ട് വാക്കടയിൽ നിന്ന് ആരംഭിച്ച പര്യടനം 19 സ്ഥലങ്ങളിൽ സ്വീകരണത്തിന് ശേഷം രാത്രി ഏറെ വൈകി കുണ്ടൂർക്കുന്നിൽ സമാപിച്ചു.
#Palakkad #full #garbage. #KSreekanthan; #Despite #scorching #heat, #many #people #turned #out #meet #candidate
