കണ്ണൂരിൽ നിയന്ത്രണം വിട്ട ലോറി കാറിലിടിച്ച് ഗായകന് ഗുരുതരമായ പരിക്കേറ്റു. കണ്ണൂർ തളാപ്പിലെ എ കെ ജി ആശുപത്രിക്ക് സമീപമാണ് പുലർച്ചെ അപകടം നടന്നത്.
ഏഷ്യാനെറ്റ് സ്റ്റാർ സിംഗർ ഗായകൻ റോഷനാണ് പരിക്കേറ്റത്. നിയന്ത്രണം വിട്ട ലോറി കാറിലിടിച്ച് ശേഷം എതിർവശത്തെ കടയിലേക്ക് പാഞ്ഞു കയറുകയായിരുന്നു.
റോഷനെ ചാല ആസ്റ്റർ മിംസ് ആശുപത്രിയിൽ പ്രവേശിപ്പിച്ചു. മട്ടന്നൂർ എയർപോർട്ടിലേക്ക് പോകുന്ന കാറാണ് അപകടത്തിൽപ്പെട്ടത്.
