Categories
ആരോഗ്യം

പിസിഒഡി അഥവാ പോളിസിസ്റ്റിക് ഓവറി സിന്‍ഡ്രോം…ലക്ഷണങ്ങള്‍ ഇവ

ഇന്നത്തെ കാലത്ത് പല സ്ത്രീകളേയും പെണ്‍കുട്ടികളേയും ബാധിയ്ക്കുന്ന പ്രധാനപ്പെട്ടൊരു രോഗമാണ് പിസിഒഡി അഥവാ പോളിസിസ്റ്റിക് ഓവറി സിന്‍ഡ്രോം.

ഹോര്‍മോണ്‍ പ്രശ്‌നങ്ങള്‍ തന്നെയാണ് ഇതിന് കാരണമാകുന്നത്. പിസിഒഎസ് വേണ്ട രീതിയില്‍ ചികിത്സിച്ചില്ലെങ്കില്‍ വന്ധ്യത അടക്കമുള്ള പല പ്രശ്‌നങ്ങള്‍ക്കും കാരണമാകും.

ഓവറിയില്‍ സിസ്‌റ്‌റുകള്‍ വന്നു നിറയുന്ന അവസ്ഥയാണിത്. പി.സി.ഒ.ഡി. ബാധിച്ചു കഴിഞ്ഞ സ്ത്രീകളില്‍ ഉണ്ടാകുന്ന അസ്വസ്ഥതകള്‍ ചെറുതൊന്നുമല്ല ശരീരത്തിന്‍റെ ഘടനയെപ്പോലും ബാധിക്കുന്ന ഒന്നാണ് ഈ ഹോര്‍മോണ്‍ അസന്തുലിതാവസ്ഥ.

ഇത് ശരീരത്തില്‍ പല ലക്ഷണങ്ങളാകും വന്നു ചേരും.
​ആര്‍ത്തവ ക്രമക്കേടുകള്‍

ആര്‍ത്തവ ക്രമക്കേടുകള്‍ പിസിഒഎസ് വന്നവരില്‍ സാധാരണയാണ്. ആര്‍ത്തവ സമയത്ത് അമിതമായി രക്ത സ്രാവമുണ്ടാകുന്നതും പി.സി.ഒ.ഡി.യുടെ ലക്ഷണങ്ങളില്‍ ഒന്നാണ്. എല്ലാ മാസവും ആര്‍ത്തവം വരില്ല.

ആര്‍ത്തവ ബ്ലീഡിംഗ് ആദ്യ നാലു ദിവസ ശേഷം ഉണ്ടാകുന്നു. ഇത് ചിലപ്പോള്‍ 10 ദിവസം വരെ നീണ്ടു നില്‍ക്കും. കടുത്ത വയറു വേദനയുമുണ്ടാകും. വിവാഹശേഷം അണ്ഡവളര്‍ച്ചയില്ലാത്തതിനാല്‍ ബീജ സങ്കലനം നടക്കുന്നില്ല.

ഇനി ഇങ്ങനെ നടന്നാല്‍ തന്നെ ഗര്‍ഭപാത്ര ഭിത്തിയില്‍ ഈ ഭ്രൂണത്തിന് പറ്റിപ്പിടിച്ചു വളരാന്‍ സാധിയ്ക്കുന്നുമില്ല. മാത്രമല്ല, ഇതുള്ളവര്‍ക്ക് അബോര്‍ഷന്‍ സാധ്യത കൂടുതലാണ്.

ചര്‍മത്തില്‍ നിറ വ്യത്യാസങ്ങള്‍

ചര്‍മത്തില്‍ നിറ വ്യത്യാസങ്ങള്‍ വരുന്നതും പോളി സിസ്റ്റിക് ഓവറിയന്‍ ഡിസീസിന്‍റെ ലക്ഷണമാകാം. അകാരണമായി നിറം ഇരുണ്ടു തുടങ്ങുന്നത് ഒരു സൂചനയാണ്.

കവിളുകളില്‍ കറുത്ത പാടുകള്‍ വരുന്നത് മറ്റൊരു ലക്ഷണമാണ്. വലിയ പാടുകളാണ് പി.സി.ഒ.ഡി. ബാധിച്ചവരില്‍ സാധാരണയായി കാണാറുള്ളത്. മുടിയിഴകളുടെ കട്ടി കുറയുന്നതും അമിതമായ മുടി കൊഴിച്ചിലും ഈ അവസ്ഥയുടെ വിവിധ കാരണങ്ങളില്‍ ഒന്നാണ്.

അതിനാല്‍ പതിവിലധികം മുടി കൊഴിയുന്നുവെങ്കിലോ ഇഴകള്‍ നേര്‍ത്തു വരുന്നുവെങ്കിലോ ഇക്കര്യങ്ങള്‍ ശ്രദ്ധിക്കണം.

അമിത വണ്ണം

കാരണങ്ങളൊന്നും കൂടാതെ ശരീര ഭാരം വര്‍ധിയ്ക്കുന്നത് മറ്റൊരു സൂചനയാണ്. വളരെ ചെറിയ കാലയളവിന് ഉള്ളില്‍ ശരീര വണ്ണത്തില്‍ ആനുപതികമല്ലാത്ത വര്‍ധന ഉണ്ടാകുന്നത് നിങ്ങളില്‍ പോളി സിസ്റ്റിക് ഒവറിയന്‍ സിന്‍ഡ്രോം ബാധിച്ചിരിക്കുന്നതിന്റെ തെളിവാകാം.

മുഖത്തും മറ്റുമുണ്ടാകുന്ന രോമ വളര്‍ച്ച ഇതിന്റെ മറ്റൊരു ലക്ഷണമാണ്. ഇതും ഹോര്‍മോണ്‍ അസന്തുലിതാവസ്ഥ കാരണം ഉണ്ടാകുന്ന ഒന്നാണ്.

ഹോര്‍മോണ്‍ അസന്തുലിതാവസ്ഥ

ഹോര്‍മോണ്‍ അസന്തുലിതാവസ്ഥ കൊണ്ടുണ്ടാകുന്ന ഈ അവസ്ഥയ്ക്ക് കാരണമാകുന്ന പല കാര്യങ്ങളുണ്ട്. പാരമ്പര്യം, ജീവിത ശൈലിയിലെ പ്രശ്നങ്ങള്‍, അമിതമായ അളവ് ഇന്‍സുലിന്‍ തുടങ്ങിയവയെല്ലാം ഇതിനു കാരണമാകാം.

ആരംഭ ഘട്ടത്തില്‍ തന്നെ ചികിത്സിച്ചു ഭേദമാക്കിയില്ലെങ്കില്‍ പിന്നീട് പല ആരോഗ്യ പ്രശ്നങ്ങള്‍ക്കും ഇത് വഴി വെയ്ക്കും.

പി.സി.ഒ.ഡിയ്ക്ക് ചികിത്സ ലഭ്യമാക്കിയില്ലെങ്കില്‍ ഭാവിയില്‍ അമിതവണ്ണം,ദുര്‍മേദസ്സ്, ഫാറ്റി ലിവര്‍, ഇന്‍സുലിന്‍ ഉത്പാദനവുമായി ബന്ധപ്പെട്ട പ്രശ്നങ്ങള്‍, കൂടുതല്‍ അളവിലുള്ള പുരുഷ ഹോര്‍മോണ്‍ ഉദ്പാദനം തുടങ്ങിയവയെല്ലാം നിയന്ത്രിക്കാനാവാത്ത വിധം പിടിമുറുക്കും.

കൂടുതല്‍ അറിയൂ …ആരോഗ്യം നേടൂ…

Spread the love
ട്രൂവിഷന്‍ ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
Next Tv

RELATED NEWS

NEWS ROUND UP