ലോകത്തെ ഏറ്റവും അപകടകാരികളായ ആറ് വൈറസുകളുള്ള ലാപ്ടോപ്പ് കമ്പ്യൂട്ടര്‍ വിറ്റുപോയത് 1.3 മില്യണ്‍ ഡോളറിന്

Loading...

ലോകത്തെ ഏറ്റവും അപകടകാരികളായ ആറ് വൈറസുകളുള്ള ലാപ്ടോപ്പ് കമ്പ്യൂട്ടര്‍ വിറ്റുപോയത് 1.3 മില്യണ്‍ ഡോളറിന്. സാംസങ്ങിന്‍റെ ബ്ലാക്ക് കളറിലുളള ലാപ്ടോപ്പാണ് ഓണ്‍ലൈനില്‍ വലിയ തുകയ്ക്ക് വിറ്റു പോയത്. സൈബര്‍ ലോകത്ത് കോടിക്കണക്കിന് രൂപയുടെ നഷ്ടങ്ങള്‍ ഉണ്ടാക്കിയ വൈറസുകളാണ് ഇതിലുള്ളത്.

ദി പെര്‍സിസ്റ്റന്‍സ് ഓഫ് ചാവോസ് എന്നാണ് ഇതിന് പേര് നല്‍കിയിരിക്കുന്നത്. ലോകം ഭയക്കുന്ന ഈ  ആറ് വൈറസുകളില്‍ 2000 ത്തില്‍ പുറത്തുവന്ന ഐ ലവ് യു, 2003 ല്‍ സോ ബിഗ്, 2004ലെ മൈഡൂം, 2013 ലെ ഡാര്‍ക്ക് ടെക്വില, 2015 ലെ ബ്ലാക്ക് എന്‍ര്‍ജി എന്നിവയുണ്ട്. ഇതോടൊപ്പം രണ്ടു വര്‍ഷം മൂമ്പ് സൈബര്‍ ലോകത്തെയാകെ വിറപ്പിച്ച വനാക്രൈ റാന്‍സംവേറും ഉള്‍പ്പെടുന്നു.

സൈബര്‍ ലോകത്തെയാകെ വിറപ്പിച്ച് ഇന്നും ഇന്‍റര്‍നെറ്റ് ലോകത്തും കമ്പ്യൂട്ടറുകളിലുമാകെ വ്യാപകമാണ് ആറു വൈറസുകളും. ചൈനീസ് വംശജനായ ഗുവോ ഓ ഡോന്‍ഗ് എന്ന ഇന്‍റര്‍നെറ്റ് ആര്‍ട്ടിസ്റ്റാണ് ഇത് നിര്‍മ്മിച്ചത്. ലോകത്തെ ഞെട്ടിച്ച ഡിജിറ്റല്‍ ആക്രമകാരികളുടെ ശക്തിയെല്ലാം ഒരുമിച്ചെന്നതാണ് ഈ കംപ്യൂട്ടറിന്‍റെ പ്രത്യേകത.

ചുവടെ കൊടുക്കുന്ന അഭിപ്രായങ്ങള്‍ ട്രൂവിഷന്റെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ട്രൂവിഷന്‍ ടീം