‘കയറിന് നല്ല ബലമുണ്ട്, ഇനി മരിക്കാം’…’യാ അല്ലാഹ് ശ്വാസകോശം വലിഞ്ഞു മുറുകുകയാണ്’; എന്റെ മരണം ആ ക്രൂരനുള്ള മറുപടിയാണ്

ഷഫീക്ക് മട്ടന്നൂര്‍

Loading...

കയറിന് നല്ല ബലമുണ്ട്. മൂലയ്ക്ക് ഒരു സ്റ്റൂള്‍ കിടപ്പുണ്ട്. കയറെടുത്ത് സ്റ്റൂള്‍ ഉപയോഗിച്ച് ഫാനില്‍ കുരുക്കി…ആഹാ നല്ല ബലമുണ്ട്. ഒരു ജീവനെ എടുക്കാനുള്ള ബലം. എനിക്കിനി ജീവിക്കേണ്ട…മരിക്കാന്‍ പോകുകയാണ്, കാരണക്കാരന്‍ അയാളാണ്…എന്നെ അയാള്‍ മാനസീകമായി പീഡിപ്പിക്കുന്നു. എനിക്കത് സഹിക്കാവുന്നതിലും അപ്പുറമാണ്. മരണമാണ് ഇനിയൊരു പ്രതിവിധി. മാനസികമായി പീഡിപ്പിച്ച സാറിനെക്കുറിച്ചുള്ള വിവരങ്ങള്‍ മൊബൈലില്‍ സ്‌ക്രീന്‍ സേവറാക്കി ബെഡില്‍ വെച്ചിട്ടുണ്ട്…ഇനി മരിക്കാം…സമാധാനത്തിന്റെ ലോകത്തേക്ക് പോകാം…

കയറ് കഴുത്തില്‍ കുരുക്കി…ദൃഢനിശ്ചയം ഒന്നുകൂടി ഉറപ്പാക്കാന്‍, പതിയെ സ്റ്റൂള്‍ കാല്‍ കൊണ്ട് തട്ടിയിട്ടു…ആ ശ്വാസം മുട്ടുന്നു…കഴുത്ത് നന്നായി മുറുകുകയാണ്…ആരാണ് മുന്നില്‍ നില്‍ക്കുന്നത് ഉമ്മയും വാപ്പയുമല്ലേ…കഴിഞ്ഞ തവണ കണ്ടപ്പോള്‍ ഒന്നിച്ചിരുന്ന ഭക്ഷണം കഴിച്ച് സ്‌നേഹം പങ്കിട്ടു കിടന്നുറങ്ങി. ഹോ മനസിന് എന്തൊരു ആശ്വാസമായിരുന്നു ആ മാതാപിതാക്കളല്ലേ എന്റെ മുന്നില്‍ നില്‍ക്കുന്നത്. എന്തൊരു ചിരിയാണ് എന്റെ വാപ്പയുടേത്. എന്തെല്ലാം സ്വപ്‌നങ്ങളാണ്…എന്റെ മുഖമൊന്ന് വാടിയാല്‍ ഉമ്മയുടെ ഹൃദയമിടിപ്പ് എനിക്ക് കേള്‍ക്കാനാകും. അപ്പൊ ഞാന്‍ മരിക്കുന്നത് അവര്‍ക്ക് താങ്ങാനാവുമോ…

യാ അല്ലാഹ്…ശ്വാസം ചുരുങ്ങി വരുന്നു…ശ്വാസകോശം വലിഞ്ഞു മുറുകുകയാണ്…സഹിക്കാനാവുന്നില്ല. അല്ല ഞാനെന്തിനാണ് മരിക്കുന്നത്…ആര്‍ക്ക് വേണ്ടിയാണ്. കണ്ണില്ലാതെ ലോകത്തെ വിസ്മയിപ്പിച്ച ഹെലന്‍ കെല്ലറുടെ ജീവിതം മിന്നിമറിയുന്നു. അരുന്ധതി റോയിയുടെ ഗോഡ് ഓഫ് സ്മോള്‍ തിംഗ്സ് എന്ന പുസ്തകം എന്നെ നോക്കി പരിഹാസത്തോടെ ചിരിക്കുകയാണോ?.. ഒന്നും മനസിലാവുന്നില്ല..ബോധം അവസാന ഘട്ടത്തിലെത്തിയിരിക്കുന്നു. തൊട്ട് മുമ്പ് കാന്റീനില്‍ താന്‍ കരയുമ്പോള്‍ ആശ്വസിപ്പിച്ച ആ സ്ത്രീയുടെ ആശ്വാസത്തിന്റെ കൈ പുറത്ത് തലോടിക്കൊണ്ടിരിക്കുന്നു. അപ്പോള്‍ എന്നെ ആശ്വസിപ്പിക്കാന്‍ ആള്‍ക്കാരുണ്ട്. സ്‌നേഹിച്ച് കൊല്ലാന്‍ ഉമ്മയും ഉപ്പയുമുണ്ട്. അവരോട് എല്ലാം തുറന്ന് പറഞ്ഞാലോ…വേണ്ട…ഇത് അയാള്‍ക്കുള്ള മറുപടിയാണ്. ഇനിയൊരു കുട്ടിക്കും ഈ ഗതി വരരുത്. മരണം എന്നെ രക്ഷിക്കും…

വയ്യാ…പിടയുകയാണ് ഞാന്‍…ശ്വാസം നിലയ്ക്കുന്നു…ശ്വാസകോശം വലിയുന്നു…കണ്ണില്‍ നിന്ന് വെള്ളം വരുന്നുണ്ട്…അതെ ഞാന്‍ മരിക്കുകയാണ്…ശരീരത്തിന്റെ ചലനമെല്ലാം നിലയ്ക്കുകയാണ്…അതെ ഞാന്‍ മരിച്ചു…ശരിക്കും എന്റെ ജീവിത്തിന് ഞാനൊരു എക്‌സ്പയറി ഡേറ്റ് തിരഞ്ഞെടുത്തു. അതിന്നാണ്…അവസാനിച്ചു എല്ലാം…

ആരാണ് കതക് തുറന്ന് നിലവിളിക്കുന്നത്. കുറെ കുട്ടികള്‍ ഒത്തുകൂടിയിട്ടുണ്ടല്ലോ…എന്നെ എന്നും പ്രോല്‍സാഹിപ്പിച്ചിരുന്ന ടീച്ചര്‍മാര്‍ കരയുകയാണ്…ഞാന്‍ എവിടെയാണ്. പോലീസുകാര്‍ എന്നെ എന്തിനാണ് സ്ട്രക്ചറില്‍ കൊണ്ടുപോകുന്നത്. എവിടെക്കാണ്…കൂട്ടുകാരുടെയും ടീച്ചര്‍മാരുടെയും പോലീസുകാരുടെയും മുഖങ്ങള്‍ മുന്നില്‍ നിന്ന് മാറി മാറി പോകുന്നു. എവിടെ അയാള്‍…എന്നെ മാനസികമായി തളര്‍ത്തിയ അയാള്‍. എനിക്ക് കിട്ടേണ്ട മാര്‍ക്കുകള്‍ തരാത്ത ആ ക്രൂരന്‍ എവിടെ…സന്തോഷമായിക്കാണും…അതേ ഞാനിപ്പോള്‍ മരിച്ചിരിക്കുകയാണ്.

ഈ ആംബുലന്‍സ് എങ്ങോട്ടാണ് ചീറിപ്പായുന്നത്…ഹോ വല്ലാത്തൊരു ഏകാന്തത. നശബ്ദത് എന്നെ വലിഞ്ഞു മുറുക്കിയിരിക്കുന്ന..ശരിക്കും മരിക്കുകയെന്ന തീരുമാനം തെറ്റായിപ്പോയോ…എന്റെ സ്വപ്‌നങ്ങളെല്ലാം പാതിവഴിയിലല്ലേ…അതൊന്നും ഇന് നേടാനിവില്ലല്ലോ…ഏഹ് ആംബുലന്‍സ് നിര്‍ത്തിയിരിക്കുന്നു…ഡോര്‍ തുറന്ന് എന്നെ പുറത്തെടുക്കുകയാണ്…യാ അല്ലാഹ് എന്റെ വാപ്പയല്ലേ ഇത്…എന്നെ കെട്ടിപ്പിടിച്ച് കരയുകയാണല്ലോ…ആ കണ്ണുനീര്‍ മുഖത്ത് വീണപ്പോള്‍ എന്തൊരു ചൂടാണ്…ഇതുവരെ ബാപ്പ കരയുന്നത് ഞാന്‍ കണ്ടില്ലല്ലോ…ഇന്നാ കണ്ണീരിന് ഞാനാണല്ലോ കാരണം…ആള്‍ക്കാരൊക്കെ ഇറയത്ത് കൂടി നില്‍ക്കുന്നു. എ്ല്ലാരും അലമുറയിട്ട് കരയുന്നല്ലോ… എന്തൊരു കോലാഹലം…എന്റുമ്മയല്ലേ അത്…പൊട്ടിക്കരയുകയാണല്ലോ…കരയല്ലേ ഉമ്മാ എന്ന് പറയണമെന്നുണ്ട്…കൈ ചേര്‍ത്ത് പിടിച്ച് ആശ്വസിപ്പിക്കണമെന്നുണ്ട്…

അല്ല…മരിക്കാന്‍ തീരുമാനിക്കുന്നതി് മുമ്പ് വീട്ടിലേക്ക് വന്ന് ഉമ്മയോടെല്ലാം തുറന്ന് പറഞ്ഞാലോ…അവര്‍ ആശ്വസിപ്പിക്കില്ല…പൊന്നുവാപ്പ എല്ലാത്തിനും പരിഹാരം കാണില്ലേ…കാണും. എന്നിട്ടും ഞാനെന്ത് കൊണ്ട് അവരെ കുറിച്ച് ഓര്‍ത്തില്ല. എത്ര ക്വിസ് മത്സരങ്ങളിലും പരീക്ഷകളിലും ഒന്നാം സ്ഥാനക്കാരിയാണ് ഞാന്‍. എന്തെല്ലാം സ്വപ്‌നങ്ങളുള്ളവളാണ്. അതെല്ലാം പോയി. എന്റെ വാപ്പയുടെയും ഉമ്മയുടെയും സ്വപ്‌നങ്ങളും തകര്‍ന്നടിഞ്ഞു. എല്ലാം തുറന്ന് പറഞ്ഞിരുന്നെങ്കിലും ഞാന്‍ മരിക്കില്ലായിരുന്നു. ഇനി ഞാന്‍ മണ്ണിലേക്ക് പോകുകയാണ്. കഴിഞ്ഞു…ഈ സുന്ദര ഭൂമിയിലെ ജീവിതം…അല്ലാഹു തന്ന ജീവന് ഞാനൊരു ഡേറ്റ് കൊടുത്ത് അവസാനിപ്പിച്ചു. എല്ലാത്തിനും കാരണം അയാളാണ്…അയാളിന് അനുഭവിക്കും…എന്റെ ജീവിതത്തിന്, സ്വപ്‌നത്തിന് കടിഞ്ഞാണിട്ടതിന്….

ചുവടെ കൊടുക്കുന്ന അഭിപ്രായങ്ങള്‍ ട്രൂവിഷന്റെതല്ല . സോഷ്യല്‍ നെറ്റ്‌വര്‍ക്ക് വഴി ചര്‍ച്ചയില്‍ പങ്കെടുക്കുന്നവര്‍ അശ്ലീലമോ അസഭ്യമോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്. വ്യക്തികള്‍, മതസ്ഥാപനങ്ങള്‍ എന്നിവയ്‌ക്കെതിരേയുള്ള പരാമര്‍ശങ്ങള്‍ ഒഴിവാക്കേണ്ടതാണ്....ട്രൂവിഷന്‍ ടീം