Categories
ആരോഗ്യം

തേൻ കഴിക്കുമ്പോൾ എന്ത് സംഭവിക്കുമെന്നറിയോ ?

തേൻ കഴിക്കുമ്പോൾ എന്ത് സംഭവിക്കുമെന്നതിനെ കുറിച്ച് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ?

തേൻ ആരോഗ്യമുള്ളതാണെങ്കിലും, അധികമായാൽ അമൃതും വിഷം എന്ന് പറയുന്നത് പോലെ, അളവിൽ കൂടുതൽ കഴിച്ചാൽ എന്തും മോശമാണ്. നിങ്ങൾ തേൻ അമിതമായി കഴിക്കരുത് എന്ന് പറയുന്നതിന്റെ 5 കാരണങ്ങൾ ഇതാ:

രക്തത്തിലെ പഞ്ചസാരയുടെ അളവ്

ഇത് നിങ്ങളുടെ രക്തത്തിലെ പഞ്ചസാരയുടെ അളവ് വർദ്ധിപ്പിക്കും തേനിൽ പഞ്ചസാരയും കാർബോഹൈഡ്രേറ്റും അടങ്ങിയിട്ടുണ്ട് – അതും വലിയ അളവിൽ. അതിനാൽ നിങ്ങൾ തേൻ പരിധിയിൽ കവിഞ്ഞ് കഴിക്കുമ്പോൾ നിങ്ങളുടെ രക്തത്തിലെ പഞ്ചസാരയുടെ അളവ് വർദ്ധിക്കും.

നിങ്ങൾ പ്രമേഹ രോഗിയാണെങ്കിൽ, നിങ്ങളുടെ രക്തത്തിലെ പഞ്ചസാരയുടെ അളവ് അസാധാരണമായി ഉയരുന്നത് അപകടകരമാണ് എന്നത് പ്രത്യേകം ഓർമ്മിക്കുക.

​ദന്ത പ്രശ്‌നങ്ങൾക്കും തേൻ വഴിയൊരുക്കും

നിങ്ങൾ വളരെയധികം തേൻ കഴിക്കുമ്പോൾ, നിങ്ങൾ ധാരാളം മധുരവും കഴിക്കുന്നു. ഇത് പല്ലുകൾ നശിക്കുന്നതിനെ പ്രോത്സാഹിപ്പിക്കും.

യു‌എസ്‌ഡി‌എ നാഷണൽ ന്യൂട്രിയൻറ് ഡാറ്റാബേസ് അനുസരിച്ച്, തേനിന്റെ ഏകദേശം 82% ഭാഗവും പഞ്ചസാര കൊണ്ടാണ് നിർമ്മിച്ചിരിക്കുന്നത്, ഇത് നിങ്ങളുടെ പല്ലിന് കേടുവരുത്തും. മാത്രമല്ല, തേൻ പല്ലിൽ പറ്റിപ്പിടിച്ച് പല്ലുകൾ നശിക്കുന്നതിനെ കൂടുതൽ വേഗത്തിലാക്കും.

ഇത് വയർ സംബന്ധമായ പ്രശ്നങ്ങളിലേക്ക് നയിച്ചേക്കാം

നിങ്ങൾ മലബന്ധം മൂലമുള്ള പ്രശ്‌നം അനുഭവിക്കുകയാണെങ്കിൽ, തേൻ അതിനെ കൂടുതൽ വഷളാക്കും.

നിങ്ങൾക്ക് മലബന്ധ പ്രശ്നം ഇല്ലെങ്കിൽ തന്നെ, തേൻ അമിതമായി കഴിക്കുമ്പോൾ, അതിലെ ഫ്രക്ടോസിന്റെ ഉയർന്ന സാന്നിധ്യം മൂലം, അത് നിങ്ങളുടെ വയറിനെ പ്രശ്നത്തിലാക്കും.

മാത്രമല്ല, തേനിൽ അടങ്ങിയ പഞ്ചസാര ദഹിപ്പിക്കുവാൻ നിങ്ങളുടെ ശരീരത്തിന് കഴിയാത്തതിന്റെ ഫലമായി തേൻ വീക്കം, വായുകോപം, വയറിളക്കം എന്നീ പ്രശ്‌നങ്ങൾക്കും കാരണമാകും.

തേനിന് രക്തസമ്മർദ്ദം വളരെ കുറയ്ക്കാൻ കഴിയും

രക്തസമ്മർദ്ദം നിയന്ത്രിക്കാൻ സഹായിക്കുന്ന മികച്ച ഘടകമാണ് തേൻ. എന്നാൽ അമിതമായി കഴിക്കുമ്പോൾ, ഇത് കുറഞ്ഞ രക്തസമ്മർദ്ദം അല്ലെങ്കിൽ ഹൈപ്പോടെൻഷന്റെ അപകടസാധ്യത വരുത്തിവയ്ക്കും. ദീർഘകാലാടിസ്ഥാനത്തിൽ, ഇത് നിങ്ങളുടെ ഹൃദയത്തിന്റെ പ്രവർത്തനത്തെ പ്രതികൂലമായി ബാധിക്കും.

​ഇത് ശരീരഭാരം വർദ്ധിപ്പിക്കും

നിങ്ങൾ നിങ്ങളുടെ ശരീരഭാരം കുറയ്ക്കുവാൻ ശ്രമിക്കുകയാണെങ്കിൽ, നിങ്ങൾ കഴിക്കുന്ന തേനിന്റെ അളവ് നിയന്ത്രിക്കേണ്ടത് വളരെ അത്യാവശ്യമാണ്. തേനിൽ അടങ്ങിയിരിക്കുന്ന കലോറി, പഞ്ചസാര, കാർബോഹൈഡ്രേറ്റ് എന്നിവയുടെ ഉയർന്ന ഉള്ളടക്കം ശരീരഭാരം വർദ്ധിപ്പിക്കാൻ ഇടയാക്കും.

നിങ്ങൾ എത്ര അളവിൽ തേൻ കഴിക്കണം?

ധാരാളം തേൻ കഴിക്കുന്നതിലൂടെ ഉണ്ടാകാനിടയുള്ള പാർശ്വഫലങ്ങളെക്കുറിച്ച് നിങ്ങൾ മനസിലാക്കിയതിനാൽ, ഇന്ന് മുതൽ തേൻ മിതമായ അളവിൽ കഴിക്കുവാൻ പരിശീലിക്കേണ്ടത് പ്രധാനമാണ്. പ്രതിദിനം ഏകദേശം 50 മില്ലി തേൻ കഴിക്കുന്നത് ശരീരത്തിന് അനുയോജ്യമാണ്.

മാത്രമല്ല, നിങ്ങൾ അതിൽ കൂടുതൽ കഴിക്കാതിരിക്കുവാനും പ്രത്യേകം ശ്രദ്ധിക്കുക. എന്നിരുന്നാലും, നിങ്ങൾക്ക് എന്തെങ്കിലും ആരോഗ്യ പ്രശ്നങ്ങൾ ഉണ്ടെങ്കിൽ, തേൻ നിങ്ങളുടെ ഭക്ഷണക്രമത്തിന്റെ ഭാഗമാക്കുന്നതിന് മുമ്പ് ഡോക്ടറുമായി ബന്ധപ്പെടുക.

Spread the love
ട്രൂവിഷന്‍ ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
No items found
Next Tv

NEWS ROUND UP