Categories
crime

സിപിഎം-ആർ.എം.പി.ഐ സംഘർഷം;ഏഴ് പേർക്ക് പരുക്ക്-ഓർക്കാട്ടേരിയിൽ നാളെ ഹർത്താൽ

വടകര:ഏറാമല പഞ്ചായത്തിന്റെ വിവിധ ഭാഗങ്ങളിൽ ഇന്നലെ വൈകീട്ട് ഉണ്ടായ സംഘർഷത്തിൽ ആറു ആർ.എം.പി.ഐ പ്രവർത്തകർക്കും,ഒരു സിപിഎം പ്രവർത്തകനും പരുക്ക്.
പരുക്കേറ്റ ആർ.എം.പി.ഐ പ്രവർത്തകരെ വടകര ജില്ലാ ആശുപത്രിയിലും,സിപിഎം പ്രവർത്തകനെ സഹകരണ ആശുപത്രിയിലും പ്രവേശിപ്പിച്ചു.ഓട്ടോ ഡ്രൈവറും ആർ.എം.പി.ഐ പ്രവർത്തകനുമായ വിപിൻ ലാലിനെ എളങ്ങോളിയിൽ വെച്ച് മർദിച്ചതോടെയാണ് സംഘർഷത്തിന് തുടക്കം.
പിന്നീട് ആർ.എം. പി ..ഐ ഓർക്കാട്ടേരി ലോക്കൽ കമ്മറ്റി ഓഫീസിൽ കയറി ഓഫീസിലുണ്ടായിരുന്ന ലോക്കൽ സെക്രട്ടറി കെ.കെ.ജയൻ,ഒഞ്ചിയം ഏരിയാ കമ്മറ്റി അംഗം പെരുവാട്ടി കുനി ഗോപാലൻ,നിഖിൽ,എന്നിവർക്കും എളങ്ങോളിയിൽ വെച്ച് എളങ്ങോളി കുനിയിൽ പ്രീത,ഓ.കെ.ചന്ദ്രൻ എന്നിവർക്കും മർദ്ദനമേറ്റു.
സിപിഎം പ്രവർത്തകനായ പൊക്കാഞ്ചേരി അനിയുടെ വീട്ടിൽ
കയറി അനിലിനെ ആർ.എം.പി.ഐ പ്രവർത്തകർ മർദിച്ചു.ഇതിനിടയിൽ പരുക്കേറ്റ ആർ.എം.പി.ഐ പ്രവർത്തകരെ ജില്ലാ ആശുപത്രിയിൽ കാണാനെത്തിയ ജനതാദൾ(യു)പ്രവർത്തകരേയും ആശുപത്രിക്കുള്ളിൽ വെച്ച് മർദിച്ചു.
ഇവരും ഇതേ ആശുപത്രിയിൽ ചികിത്സയിലാണ്.അക്രമത്തിൽ പ്രതിഷേധിച്ച് തിങ്കൾ രാവിലെ ആറു മണി മുതൽ വൈകീട്ട് ആറു മണിവരെ ഏറാമല പഞ്ചായത്തിൽ ഹർത്താൽ ആചരിക്കാൻ ആർ.എം.പി.ഐ ആഹ്വാനം ചെയ്തു.
ഭരണത്തിന്റെ തണലിൽ രാഷ്ട്രീയ എതിരാളികളെ ഉന്മൂലനം ചെയ്യാമെന്ന പ്രവർത്തനത്തിന്റെ ഭാഗമാണ് അക്രമത്തിന് സിപിഎം തുടക്കം കുറിച്ചതെന്നും,ഇതിനെ
ജനകീയമായി ചെറുത്ത് തോൽപ്പിക്കുമെന്നും ആർ.എം.പി.ഐ ഒഞ്ചിയം ഏരിയാ കമ്മറ്റി മുന്നറിയിപ്പ് നൽകി.
എന്നാൽ ബോധപൂർവ്വം കുഴപ്പം ഉണ്ടാക്കാനാണ് ആർ.എം.പി.ഐ ശ്രമിക്കുന്നതെന്ന് സിപിഎം വ്യക്തമാക്കി.
Spread the love
ട്രൂവിഷന്‍ ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
No items found
Next Tv