Categories
ആരോഗ്യം

പക്ഷിപ്പനി പടരുന്നു, ചിക്കനും മുട്ടയുമെല്ലാം കഴിയ്ക്കുമ്പോള്‍….

പക്ഷിപ്പനി പുതിയ സംഭവമല്ല. പല വര്‍ഷങ്ങളിലും ഇതേക്കുറിച്ചു കേള്‍ക്കാറുണ്ട്. ഇത്തവണയും പക്ഷിപ്പനി പലയിടങ്ങളിലും പടര്‍ന്നു പിടിച്ചു കഴിഞ്ഞിരിയ്ക്കുന്നു.

ഇത് പക്ഷികളില്‍ നിന്നും മനുഷ്യരിലേയ്ക്കു പടരുന്ന വൈറസാണ്. മാംസവും മുട്ടയുമെല്ലാം കഴിയ്ക്കുമ്പോള്‍ പ്രത്യേകിച്ചും. ഇതേ കാരണം കൊണ്ടു തന്നെ ചിക്കനും മുട്ടയുമെല്ലാം പക്ഷിപ്പനിയുള്ള കാലത്ത് വാങ്ങിക്കഴിയ്ക്കുന്നത് ആരോഗ്യകരമോ എന്ന ഭയം പലര്‍ക്കുമുണ്ടാകും.

എന്നാല്‍ ഇവ വാങ്ങിക്കഴിയ്ക്കുന്നതു മാത്രമല്ല, അലക്ഷ്യമായി കൈകാര്യം ചെയ്താല്‍ പോലും അപടകമുണ്ടാകുമെന്നതാണ് വാസ്തവം.
എച്ച്5എന്‍1 വൈറസ്
51-
പക്ഷികളില്‍ നിന്നും പക്ഷികളിലേയ്ക്കും മനുഷ്യരിലേയ്ക്കുമെല്ലാം പരക്കുന്ന ഒന്നാണ് ഈ വൈറസ്.

എച്ച്5എന്‍1 വൈറസാണ് ഇതുണ്ടാക്കുന്നത്. അതേ സമയം ഇത് മനുഷ്യരില്‍ നിന്നും മനുഷ്യരിലേയ്ക്കു പടരുന്നതായി കണ്ടു പിടിച്ചിട്ടില്ല.

വളര്‍ത്തു പക്ഷികള്‍ പെട്ടെന്ന് തീറ്റയെടുക്കാതാകുക, തൂങ്ങി നില്‍ക്കുക, കുഴഞ്ഞു വീണ് ചാവുക തുടങ്ങിയവയാണ് ലക്ഷണം. ചിലപ്പോള്‍ ഇത്തരം ലക്ഷണങ്ങള്‍ കാണിക്കാതെയും ഈ രോഗം പക്ഷികളില്‍ വരുന്നുണ്ട്. മനുഷ്യരില്‍ പക്ഷിപ്പനി വന്നാല്‍ പനി, ക്ഷീണം, ഛര്‍ദി, ശരീര വേദന, വയറിളക്കം തുടങ്ങിയ പല ലക്ഷണങ്ങള്‍ കാണിയ്ക്കുന്നു.

വളര്‍ത്തു പക്ഷികളുമായി അടുത്തു സംസര്‍ഗമെങ്കില്‍

വളര്‍ത്തു പക്ഷികളുമായി അടുത്തു സംസര്‍ഗമെങ്കില്‍ ഇത് വരാനുള്ള സാധ്യതയേറെയാണ്. ഇവയുമായി ഇട പഴകുമ്പോള്‍ ഗ്ലൗസും മാസ്‌കും ഉപയോഗിയ്ക്കുന്നത് ഗുണകരമാണ്.

ഇത് കോഴിയും താറാവും മാത്രമല്ല, വീട്ടില്‍ വളര്‍ത്തുന്ന ലവ് ബേര്‍ഡ്‌സ്, പ്രാവ് തുടങ്ങിയ ഏതു പക്ഷികളെങ്കിലും ഇത് ബാധകമാണ്. കൊറോണ വൈറസ് സമയത്ത് എടുത്ത മുന്‍കരുതലുകള്‍ ഇക്കാര്യത്തിലും എടുക്കാം.

മുട്ടയും ഇറച്ചിയുമെല്ലാം
ഇനി മുട്ടയും ഇറച്ചിയുമെല്ലാം കഴിയ്ക്കുന്നത് അപകടകരമോ എന്നത്. രോഗമുള്ളവയുടെ മുട്ടയും ഇറച്ചിയും ഉപയോഗിയ്ക്കാതിരിയ്ക്കുകയെന്നത് വഴിയാണ്.

അതേ സമയം നല്ലതു പോലെ വേവിച്ച് ഉപയോഗിച്ചാല്‍ ഈ വൈറസുകള്‍ നശിച്ചു പോകുമെന്നതാണ് വാസ്തവം.

70 ഡിഗ്രി സെല്‍ഷ്യസിനു മുകളില്‍ പാകം ചെയ്താല്‍ ഇവ നശിച്ചു പോകുന്നു. ഇറച്ചി നല്ലതുപോലെ വേവിച്ച് ഉപയോഗിയ്ക്കുക. മുട്ട പാതി വെന്തതും ബുള്‍സൈ പോലുള്ളവയും കഴിയ്ക്കുന്ന ശീലം നിര്‍ത്തി നല്ലതു പോലെ വേവിച്ചുള്ള രീതിയില്‍ കഴിയ്ക്കാം.

മുട്ട, ഇറച്ചി എന്നിവ കൈകാര്യം ചെയ്യുമ്പോള്‍
മുട്ട, ഇറച്ചി എന്നിവ കൈകാര്യം ചെയ്യുമ്പോള്‍ മാസ്‌കും ഗ്ലൗസും ഉപയോഗിയ്ക്കുക മാത്രമല്ല, ഇവ കൈകാര്യം ചെയ്തു കഴിഞ്ഞാല്‍ നല്ലതു പോലെ സോപ്പോ ഹാന്റ് വാഷോ ഉപയോഗിച്ചു കൈ കഴുകുക. സാനിറ്റൈസറും ഉപയോഗിയ്ക്കാം.

മുട്ടയുടെ പുറംഭാഗം നല്ലതുപോലെ കഴുകി മാത്രം പൊട്ടിയ്ക്കു.ഇറച്ചി, മീന്‍ എന്നിവ മറ്റു ഭക്ഷണ വസ്തുക്കളുമായി കലര്‍ത്തി വയ്ക്കരുത്. ഇവ വൃത്തിയാക്കാന്‍ ഉപയോഗിയ്ക്കുന്ന കത്തി, പലക മുതലായവ പ്രത്യേകമായി ഉപയോഗിയ്ക്കാം. നല്ലതു പോലെ കഴുകി വൃത്തിയാക്കിയും ഉപയോഗിയ്ക്കുക. ഉപ്പിട്ട വെള്ളവും മഞ്ഞള്‍ വെള്ളവുമെല്ലാം ഇതു കഴുകാനായി ഉപയോഗിയ്ക്കാം.

Spread the love
ട്രൂവിഷന്‍ ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
No items found
Next Tv

NEWS ROUND UP