കൊച്ചി: കൊച്ചിയില് വാട്ടര് അതോറിറ്റിയുടെ കുഴിയില് വീണ് ചികിത്സയിലായിരുന്ന യുവാവ് മരിച്ചു. എറണാകുളം കങ്ങരപ്പടി സ്വദേശി ശ്യാമില് സുനില് ജേക്കബ് ആണ് മരിച്ചത്. കൂടാതെ വാട്ടര് അതോറിറ്റി കുഴി കൃത്യമായി മൂടിയിട്ടിരുന്നില്ലെന്നും അപകട മുന്നറിയിപ്പ് ബോര്ഡ് സ്ഥാപിച്ചിരുന്നില്ലെന്നും ശ്യാമിലിന്റെ ബന്ധുക്കള് ആരോപിച്ചു.
ഈ മാസം രണ്ടാം തീയതി ആണ് എറണാകുളം കങ്ങരപ്പടിയില് അപകടമുണ്ടായത്. വാട്ടര് അതോറിറ്റി പൈപ്പ് മാറ്റാനായി എടുത്ത കുഴിയില് ഇരുചക്രവാഹനം വീണാണ് അപകടം. സംഭവത്തില് ശ്യാമിലിന് ഗുരുതരമായി പരിക്കേറ്റിരുന്നു. കുഴിയില് വീണ ശ്യാമിലിനെ നാട്ടുകാര് ചേര്ന്നാണ് ആശുപത്രിയില് എത്തിച്ചത്. എറണാകുളത്തെ സ്വകാര്യ ആശുപത്രിയില് രണ്ടുദിവസമായി ചികിത്സയിലായിരുന്നു ശ്യാമില്
A young man who was undergoing treatment died after falling into the pit of the water authority