കോഴിക്കോട് : വടകര ഇരിങ്ങൽ റെയിൽവേ സ്റ്റേഷന് സമീപം യുവതി ട്രെയിൻ തട്ടി മരിച്ച നിലയിൽ. അയനിക്കാട് കളരിപ്പടി മമ്പറം ഗേറ്റിനും, ഇരിങ്ങൽ റെയിൽവേ സ്റ്റേഷനും ഇടയിലാണ് സംഭവം.
രാവിലെ കടന്നുപോയ കോയമ്പത്തൂർ ഇൻറർ സിറ്റി ഇടിച്ചാണ് അപകടം ഉണ്ടായതെന്ന് കരുതുന്നു. മൃതദേഹം ആരുടേതാണെന്ന് തിരിച്ചറിഞ്ഞിട്ടില്ല. മൃതദേഹം ചിന്നിച്ചിതറിയ നിലയിലായതിനാൽ പാളത്തിൽ നിന്നും എടുത്തുമാറ്റാൻ സമയമെടുത്തു.
ട്രെയിനിൽ നിന്ന് സുഹൃത്ത് തള്ളിയിട്ടു; പരിക്കേറ്റ യുപി സ്വദേശി മരിച്ചു
വടകര: ഓടുന്ന ട്രെയിനിൽ നിന്ന് സഹയാത്രികൻ തള്ളിയിട്ട ഇതര സംസ്ഥാന തൊഴിലാളി മരിച്ചു. ഉത്തർപ്രദേശ് സ്വദേശി വിവേകാണ് മരിച്ചത്. കണ്ണൂർ-എറണാകുളം ഇൻറർ സിറ്റി എക്സ്പ്രസിൽ ഇന്നലെ വൈകിട്ടായിരുന്നു സംഭവം.
ട്രെയിൻ വടകര മുക്കാളിയിൽ എത്തിയപ്പോഴാണ് ആസാം സ്വദേശിയായ മുഫാദൂർ ഇസ്ലാം എന്നയാൾ ട്രെയിനിൽ ഒപ്പമുണ്ടായിരുന്ന വിവേകിനെ പുറത്തേക്ക് തള്ളിയിട്ടത്.
ഗുരുതരമായി പരിക്കേറ്റ ഇയാൾ കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലായിരിക്കെയാണ് മരിച്ചത്. പ്രതിയെ സംഭവത്തിന് ദൃക്സാക്ഷിയായ യാത്രക്കാർ ചേർന്ന് പിടികൂടി, വടകര ആർപിഎഫിന് കൈമാറുകയുണ്ടായി.
Woman killed by train in Vadakara