തിരുവനന്തപുരം: സംസ്ഥാന ബജറ്റിൽ നികുതി കൂട്ടിയതിനെതിരെ അതിശക്തമായ സമരം നടത്തുമെന്ന് പ്രഖ്യാപിച്ച് കെ പി സി സി അധ്യക്ഷന് കെ സുധാകരന് രംഗത്ത്.
കേരളത്തിലെ മുഴുവന് ജനങ്ങളുടെയും ജീവിതച്ചെലവ് കുത്തനേ കൂട്ടുന്ന സംസ്ഥാന ബജറ്റിനെതിരേ ഉയരുന്ന അതിശക്തമായ ജനരോഷത്തിന്റെ പശ്ചാത്തലത്തില് തീപാറുന്ന പ്രക്ഷോഭമാണ് കേരളം കാണാന് പോകുന്നതെന്ന് കെ പി സി സി അധ്യക്ഷന് വ്യക്തമാക്കി.
സഹസ്ര കോടികള് നികുതിയിനത്തില് പിരിച്ചെടുക്കാതെയാണ് സര്ക്കാര് 4000 കോടി രൂപയുടെ അധിക നികുതി ഇപ്പോള് ഒറ്റയടിക്ക് ചുമത്തിയത്. പ്രാണവായുവിനു മാത്രമാണ് ഇപ്പോള് നികുതിഭാരം ഇല്ലാത്തത്.
നികുതികൊള്ളയ്ക്കെതിരേ ജനങ്ങളെ അണിനിരത്തി കോണ്ഗ്രസ് ശക്തമായ പ്രതിരോധം തീര്ക്കുമെന്നും നികുതി ബഹിഷ്കരിക്കേണ്ട നിലയിലേക്ക് ജനങ്ങളെ സര്ക്കാര് തള്ളിവിടുകയാണെന്നും സുധാകരൻ പറഞ്ഞു.
K Sudhakaran against the budget