കണ്ണൂർ: പയ്യന്നൂർ മുൻ സിപിഎം പാർട്ടി ഏരിയ സെക്രട്ടറി വി കുഞ്ഞികൃഷ്ണൻ പാർട്ടിയിലേക്ക് തിരിച്ചെത്തി .ഏറെ വിവാദങ്ങൾക്കൊടുവിലാണ് അനുനയ ചർച്ചയിൽ കുഞ്ഞികൃഷ്ണൻ തിരിച്ചുവരാൻ തയ്യാറായത് . എംഎൽഎക്കെതിരായ രണ്ടു കോടിയിലേറെ ഫണ്ട് തിരിമറി ആരോപണത്തിൽ ഉറച്ചു നിൽക്കുന്നെന്നും കുഞ്ഞികൃഷ്ണൻ പറഞ്ഞു .ഏരിയ സെക്രട്ടറി സ്ഥാനത്തേക്ക് തിരിയെത്തിക്കാനാണു സാധ്യത .
കഴിഞ്ഞ ഏഴുമാസമായി പാർട്ടിയിൽ നിന്ന് വിട്ടു നിന്ന് പൊതുപ്രവർത്തകനായി മാറി നിൽക്കുകയായിരുന്നു കുഞ്ഞികൃഷ്ണൻ .അന്ന് മുതൽ പാർട്ടിയിലേക്ക് തിരിച്ചുകൊണ്ടുവരാനുള്ള ശ്രമങ്ങൾ തുടങ്ങിയതായിരുന്നു .കഴിഞ്ഞ ജില്ലാ കമ്മിറ്റി യോഗത്തിൽ സംസ്ഥന സെക്രട്ടറി എം വി ഗോവിന്ദന്റെ നേതൃത്വത്തിൽ എത്തിച്ചു ചർച്ച നടത്തിയിരുന്നു .അതിനു ശേഷമാണു അനുനയത്തിനു തയ്യാറായത് .നിലവിൽ എംഎൽഎക്കെതിരായ ആരോപണത്തിൽ ഉറച്ചു നിൽക്കുകയാണ് കുഞ്ഞികൃഷ്ണൻ
Persuasion succeeded; V. Kunjikrishnan returned