കാണ്‍പൂര്‍: മദ്യലഹരിയിലെത്തിയ ഭര്‍ത്താവിന്‍റെ മുഖത്ത് ആസിഡ് ഒഴിച്ച യുവതി അറസ്റ്റിലായി. ഉത്തര്‍പ്രദേശിലെ കാണ്‍പൂര്‍ സ്വദേശിയായ പൂനം എന്ന യുവതിയാണ് അറസ്റ്റിലായത്. ഭര്‍ത്താവായ ദബ്ബു ഗുപ്‌തയുടെ (40) മുഖത്ത് ആണ് ഇവര്‍ ആസിഡ് ഒഴിച്ചത്.
കലക്‌ടര്‍ഗഞ്ച് പൊലീസ് സ്റ്റേഷന് പരിധിയില്‍ കോപ്പര്‍ഗഞ്ചില്‍ ഇന്നലെയാണ് സംഭവം നടന്നത്. ആക്രമണത്തില്‍ ഗുരുതര പരിക്കേറ്റ ദബ്ബു ഗുപ്‌ത ഉര്‍സുല ആശുപത്രിയില്‍ പ്രവേശിപ്പിച്ചു.
നിലവില്‍ അദ്ദേഹത്തിന്‍റെ ആരോഗ്യനില തൃപ്‌തികരമാണെന്ന് ആശുപത്രി അധികൃതര്‍ അറിയിച്ചു. ദബ്ബു ഗുപ്‌ത വൈകി വീട്ടിലെത്തിയത് ഭാര്യ പൂനം ചോദ്യം ചെയ്‌തതാണ് വാക്കുതര്‍ക്കത്തിലേക്ക് നയിച്ചത്.
തുടര്‍ന്ന് ആക്രമണത്തില്‍ കലാശിക്കുകയായിരുന്നു.ദബ്ബു ഗുപ്‌ത മദ്യപാനത്തിനടിമയായിരുന്നു എന്നാണ് പ്രദേശവാസികളായും, ബന്ധുക്കളും പറയുന്നത്. ഇയാള്‍ മയക്കുമരുന്നും ഉപയോഗിച്ചിരുന്നതായി അയല്‍ക്കാര്‍ വെളിപ്പെടുത്തി.
ഇക്കാരണത്താല്‍ ദമ്ബതികള്‍ വീട്ടില്‍ പതിവായി വഴക്കിടുമായിരുന്നുവെന്നും അയല്‍ക്കാര്‍ പൊലീസിനോട് പറഞ്ഞു. ഞായറാഴ്‌ച വൈകിട്ടോടെ പൂനത്തിനെതിരെ എഫ്‌ഐആര്‍ രജിസ്റ്റര്‍ ചെയ്‌തതായി പൊലീസ് അറിയിച്ചു.
Woman arrested for throwing acid on her drunken husband's face
.jpg)
