തിരുവനന്തപുരം : തലസ്ഥാനത്ത് വീണ്ടും ഗുണ്ടാ ആക്രമണം. ബാറിൽ വച്ച് യുവാവിനെ വെട്ടി പരുക്കേൽപ്പിച്ചു. കഠിനംകുളം സ്വദേശി മഹേഷിനാണ് വെട്ടേറ്റത്. കുപ്രസിദ്ധ ഗുണ്ട സാബു പിടിയിലായി. സാബു സിൽവ ക്രിമിനൽ കേസുകളിൽ പ്രതിയാണ്.
അതേസമയം കഴിഞ്ഞ ദിവസവും തിരുവനന്തപുരത്ത് ഗുണ്ടാ ആക്രമണം ഉണ്ടായി. പൂവച്ചലില് ഒരാള്ക്ക് വെട്ടേറ്റു. ഉണ്ടപ്പാറ സ്വദേശി ഫറൂക്കിനാണ് വെട്ടേറ്റത്. ബൈക്കുകളിലെത്തിയ സംഘമാണ് ആക്രമിച്ചത്. വീട്ടില് നിന്നും വിളിച്ചിറക്കിയായിരുന്നു ആക്രമണം. വെട്ടാനുപയോഗിച്ച വടിവാള് പൊലീസ് കണ്ടെടുത്തു. പൊലീസ് അന്വേഷണം ആരംഭിച്ചു.
തിരുവനന്തപുരത്ത് പാറ്റൂരില് കഴിഞ്ഞ ദിവസം ദിവസം നടന്ന ഗുണ്ടാ ആക്രമണത്തില് നാല് യുവാക്കള്ക്ക് വെട്ടേറ്റിരുന്നു. അതിന്റെ അന്വേഷണം പുരോഗമിക്കമ്പോഴാണ് പൂവച്ചലില് ഗുണ്ടാ ആക്രമണം നടക്കുന്നത്.
Another gang attack in the capital; Gunda Sabu arrested