കോട്ടയം : കോട്ടയം കാഞ്ഞിരപ്പള്ളിയിൽ പ്രായപൂർത്തിയാകാത്ത പെൺകുട്ടിയെ കൂട്ടബലാത്സംഗത്തിന് ഇരയാക്കിയ കേസിൽ ഒന്നാം പ്രതിക്ക് 27 വർഷം തടവും ഒന്നരലക്ഷം പിഴയും ശിക്ഷ വിധിച്ചു. ചങ്ങനാശേരി ഫാസ്റ്റ് ട്രാക്ക് സ്പെഷ്യൽ കോടതിയാണ് ഒന്നാം പ്രതി പാറക്കടവ് സ്വദേശി രാജേഷ് പി രാജുവിന് ശിക്ഷ വിധിച്ചത്.
2015ലായിരുന്നു കേസിന് ആസ്പദമായ സംഭവം. കേസിലെ രണ്ടാം പ്രതി നേരത്തെ ആത്മഹത്യ ചെയ്തിരുന്നു. മൂന്നാം പ്രതിയെ നേരത്തെ പതിനഞ്ചു വർഷം തടവിന് ശിക്ഷിച്ചിരുന്നു. പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടർ പി എസ് മനോജ് ഹാജരായി.
കോഴിക്കോട് സ്വകാര്യ ബസ്സ് ലോറിക്ക് പിറകില്‍ ഇടിച്ച് അപകടം; നിരവധി പേര്‍ക്ക് പരിക്ക്
കോഴിക്കോട് : കരുവണ്ണൂര്‍ അങ്ങാടിക്കടുത്ത് എടോത്ത് താഴെ പാലത്തിനുസമീപം സ്വകാര്യ ബസ്സ് ലോറിക്ക് പിറകില്‍ ഇടിച്ച് ബസ് യാത്രക്കാരായ നിരവധി പേര്‍ക്ക് പരിക്കേറ്റു.
ഗുരുതരമായി പരിക്കേറ്റ ബസ് ജീവനക്കാരനായ കുറ്റ്യാടി സ്വദേശി ജിനേഷ് (30 ), സ്‌നേഹ (20) എന്നിവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.
സീന (42), സുവര്‍ണ്ണ (23 ), ആദര്‍ശ് (21), ആതിര മൂലാട് (19 ), റിജാബി ( 48 ), നജീബ (29), ദില്‍ന (16), സ്‌നേഹ (20 ) എന്നിവര്‍ വിവിധ സ്വകാര്യ ആശുപത്രികളില്‍ ചികിത്സ തേടി.
കോഴിക്കോട് നിന്ന് കുറ്റ്യാടി ഭാഗത്തേക്കു പോകുകയായിരുന്ന അദ്‌നാന്‍ ബസാണ് അപകടത്തിൽപ്പെട്ടത്.
കുറ്റ്യാടി ഭാഗത്തേക്ക് പോവുകയായിരുന്ന ലോറിക്ക് പിറകില്‍ അമിതവേഗത്തിലെത്തിയ ബസ് ഇടിക്കുകയായിരുന്നു.
ഇന്ന് വൈകുന്നേരം 5 45 ഓടെയാണ് അപകടമുണ്ടായത്.
A case where a minor girl was gang-raped; The court sentenced the first accused
