ഓസ്ട്രേലിയന്‍ ഓപ്പണ്‍ ഫൈനല്‍: സാനിയ-ബൊപ്പണ്ണ സഖ്യത്തിന് തോല്‍വി

മെല്‍ബണ്‍ : ഓസ്ട്രേലിയന്‍ ഓപ്പൺ ടെന്നിസ് മിക്സ്ഡ് ഡബിൾസിൽ സാനിയ മിർസ,രോഹൻ ബൊപ്പണ്ണ സഖ്യത്തിന് ഫൈനലിൽ തോൽവി. ബ്രസീലിയന്‍ സഖ്യമായ ലൂയിസ സ്റ്റെഫാനി-റാഫേല്‍ മാറ്റോസ് സഖ്യം നേരിട്ടുള്ള സെറ്റുകൾക്കാണ് ഇന്ത്യന്‍ സഖ്യത്തെ തോൽപ്പിച്ചത്.

Also read: #PinarayiVijayan | മൊഴിയെടുക്കാന്‍ വിളിപ്പിച്ച് രാത്രി വൈകും വരെ ഇരുത്തുന്നു; ഇഡിക്ക് നിയമവിരുദ്ധ കാര്യം ചെയ്യാന്‍ വകുപ്പുണ്ടോ

സ്കോർ 7-6-6-2. ആദ്യ സെറ്റില്‍ തുടക്കത്തിലെ ബ്രേക്ക് ചെയ്യപ്പെട്ടിട്ടും ശക്തമായി തിരിച്ചടിച്ച സാനിയ സഖ്യം 2-2-ന് ഒപ്പമെത്തി. ആദ്യ ഗെയിം തന്നെ ബ്രേക്ക് ചെയ്യപ്പെട്ട് 0-2ന് പിന്നിലായിപ്പോയിട്ടും 3-2ന് മുന്നിലെത്താന്‍ സാനിയ-ബൊപ്പണ്ണ സഖ്യത്തിനായി.

പിന്നീട് ആദ്യ സെറ്റില്‍ 5-3ന് ലീഡെടുത്തതോടെ ഇന്ത്യന്‍ സഖ്യത്തിന് പ്രതീക്ഷയായി. എന്നാല്‍ ശക്തമായി തിരിച്ചുവന്ന ബ്രസീലിയന്‍ സഖ്യം സാനിയ-ബൊപ്പണ്ണ സഖ്യത്തെ ബ്രേക്ക് ചെയ്ത് 5-5ന് ഒപ്പം പിടിച്ചു.

Also read: #accident | മുൻ ടയറിനടിയിൽ ബൈക്ക്, ഫുട്ബോർഡിൽ യുവാവ്, അപകടമുണ്ടാക്കിയ ലോറി കുതിച്ച് പാഞ്ഞത് കിലോമീറ്ററുകൾ

എന്നാല്‍ നിര്‍ണായക ഗെയിം സ്വന്തമാക്കി 6-5ന് ലീഡെടുത്തെങ്കിലും 6-6ന് ബ്രസീലിയന്‍ സഖ്യം ഒപ്പമെത്തി. ടൈ ബ്രേക്കറില്‍ 0-3ന് പിന്നിലായശേഷം തന്‍റെ രണ്ട് സെര്‍വും നിലനിര്‍ത്തി ബൊപ്പണ്ണ 2-3ലെത്തിച്ച് പ്രതീക്ഷ നല്‍കിയെങ്കിലും പിന്നീട് ഇന്ത്യന്‍ സഖ്യത്തിന് പിടിച്ചു നില്‍ക്കാനായില്ല. രണ്ടാം സെറ്റില്‍ തുടക്കത്തിലെ 1-3ന് പിന്നിലായിപ്പോയ ഇന്ത്യന്‍ സഖ്യം പിന്നീട് 1-4ലേ്കും അവസാനം 2-6ലും എത്തി സെറ്റും കിരീടവും സ്വന്തമാക്കി.

അമ്മയായ ശേഷം 36-ാം വയസിൽ സാനിയയും 42കാരനായ രോഹൻ ബൊപ്പണ്ണയും മികച്ച പ്രകടനമാണ് ടൂർണമെന്‍റിൽ ഉടനീളം കാഴ്ചവച്ചത്. സാനിയ മിർസ ഗ്രാൻസ്ലാമിൽ നിന്ന് ഓസ്ട്രേലിയൻ ഓപ്പണോടെ വിരമിക്കുമെന്ന് നേരത്തെ പ്രഖ്യാപിച്ചിരുന്നു.

Also read: #rape | 'മരണം അടുത്തുകണ്ട മണിക്കൂറുകൾ', ദുരനുഭവം വിവരിക്കുന്ന വീഡിയോയുമായി അതിജീവിതയായ സ്പാനിഷ് യുവതി

അടുത്തമാസം നടക്കുന്ന ദുബായ് ഓപ്പണായിരിക്കും സാനിയയുടെ അവസാന ടൂർണമെന്‍റ്. സാനിയ മിർസ ഡബിൾസിലും മിക്സഡ് ഡബിൾസിലുമായി6 ഗ്ലാൻസ്ലാം കിരീടങ്ങൾ നേടിയിട്ടുണ്ട്.

Australian Open final: Sania-Bopanna lost