കോട്ടയം : പാല നഗരസഭ അധ്യക്ഷ തെരഞ്ഞെടുപ്പിൽ നാടകീയ രംഗങ്ങള്, കറുത്ത വസ്ത്രം ധരിച്ചെത്തി ബിനു പുളിക്കകണ്ടം. ബിനു പുളിക്കക്കണ്ടത്തെ കേരള കോണ്ഗ്രസ് സമ്മര്ദ്ദത്തിനു വഴങ്ങി അവസാന നിമിഷം സിപിഎം ഒഴിവാക്കിയിരുന്നു.
പാര്ട്ടി തീരുമാനം അംഗീകരിക്കുന്നുവെന്ന് അദ്ദേഹം വ്യക്തമാക്കി. എന്നാല് നഗരസഭ കൗണ്സിലില് പങ്കെടുക്കാന് അദ്ദേഹം കറുപ്പ് വസ്ത്രമണിഞ്ഞാണ് പോയത്. പാര്ട്ടി തീരുമാനത്തോടുള്ള പ്രതിഷേധമായി ഇതിനെ പരക്കെ വ്യാഖ്യാനിക്കപ്പെട്ടു.
എന്നാല് കറുപ്പ് വസ്ത്രമണിഞ്ഞത് യാദൃശ്ചികം മാത്രമാണെന്നും പ്രതിഷേധത്തിന്റെ ഭാഗമാല്ലെന്നും ബിനു പറഞ്ഞു. ചില കാര്യങ്ങള് പറയാനുണ്ട്. നഗരസഭ ചെയര്മാന് തെരഞ്ഞെടുപ്പിന് ശേഷം അതെല്ലാം വിശദമായി പറയാമെന്നും അദ്ദേഹം വ്യക്തമാക്കി.
Dramatic scenes in Pala; Binu came in a black dress and frowned