വൈക്കം: ജോലി സംബന്ധമായ സമ്മര്ദത്തെ തുടര്ന്ന് രണ്ടാഴ്ച മുമ്പ് ജീവനൊടുക്കിയ പ്രധാനാധ്യാപികയുടെ ഭര്ത്താവ് മരിച്ചു. കൊച്ചുകവല മാളിയേക്കല് ആര്.രമേഷ് കുമാര് (53) ആണ് ഇന്നലെ പുലര്ച്ചെ മരിച്ചത്.
ബുധനാഴ്ച രാത്രി വയറു വേദനെയെ തുടര്ന്ന് രമേഷ് കുമാറിനെ ആശുപത്രിയില് പ്രവേശിപ്പിച്ചിരുന്നു. വൈക്കം കോടതിയിലെ ജീവനക്കാരനായിരുന്നു. ഭാര്യ ശ്രീജ(48)യെ രണ്ടാഴ്ച മുമ്പാണ് വീട്ടില് തുങ്ങി മരിച്ച നിലയില് കണ്ടെത്തിയത്.
എല്.പി സ്കൂള് ഹെഡ് മിസ്ട്രസായി സ്ഥാനകയറ്റം ലഭിച്ചതിനെ തുടര്ന്ന് മറ്റൊരു സ്കൂളില് ചുമതലയേറ്റ് ഏതാനും മാസങ്ങള് ജോലി ചെയ്തപ്പോള് തന്നെ ജോലി സംബന്ധമായ സമ്മര്ദ്ദം അധ്യാപികയെ കടുത്ത വിഷാദത്തിലാക്കിയിരുന്നു.
തുടര്ന്ന് ഇവര് ഹെഡ് മിസ്ട്രസ് സ്ഥാനത്തു നിന്നു ഒഴിവാക്കണമെന്നാവശ്യപ്പെട്ട് അധികൃതരെ സമീപിച്ചിരുന്നു. ഡി.ഇ.ഒ ഇവരുടെ ആവശ്യം തള്ളിയെങ്കിലും വിദ്യാഭ്യാസവകുപ്പ് അധികൃതര് ഇവരോട് അനുഭാവം പ്രകടിപ്പിച്ച് പോളശേരി ഗവ. എല്.പി സ്കൂളിലേയ്ക്ക് സ്ഥലംമാറ്റം നല്കി.
വീടിനടുത്തെ സ്കൂളില് വന്നെങ്കിലും അധ്യാപികയുടെ മാനസിക സമ്മര്ദ്ദം ഒഴിഞ്ഞില്ല. ഇതുമായി ബന്ധപ്പെട്ട് അധ്യാപിക ചികിത്സയ്ക്കും വിധേയയായിരുന്നു. അധ്യാപികയുടെ മരണാനന്തര ചടങ്ങ് ഇന്ന് നടക്കാനിരിക്കെ ഗൃഹനാഥന് കൂടി മരണപ്പെട്ടത് കുടുംബത്തിന് കനത്ത അഘാതമായി. രമേഷ് കുമാറിന്റെ സംസ്കാരം നടത്തി. ഏകമകന്: കാര്ത്തിക് രമേഷ്.
The husband of the headmistress who committed suicide two weeks ago has passed away