ഏതു വേദിയിലും തിളങ്ങാൻ താരസുന്ദരി സണ്ണി ലിയോണിന് അറിയാം. ഓരോ തവണ പൊതുവേദിയിലെത്തുമ്പോഴും താരം അതു തെളിയിച്ചു കൊണ്ടേയിരിക്കുന്നു. അടുത്തിടെ യുഎഇയിൽ നടന്ന അവാർഡ് ഷോയിൽ കറുപ്പിലെത്തിയാണ് സണ്ണി ആരാധകരുടെ ഹൃദയം കവർന്നത്.
ബ്ലാക് എംബല്ലിഷ്ഡ് ഗൗൺ ആണു സണ്ണി ധരിച്ചത്. ആഡംബര ഫാഷൻ ബ്രാൻഡ് കുജതാ ആൻഡ് മെരി ആണ് ഗൗൺ ഒരുക്കിയത്. ഹൈ സ്ലിറ്റും ട്രെൻഡി കട്ട് നെക്കും ചേരുന്ന ഗൗൺ സണ്ണിക്ക് ഹോട്ട് ലുക്ക് നൽകുന്നു. വൺ ഷോൾഡർ ഡീറ്റൈലിങ്, നിലംപറ്റി കിടക്കുന്ന അതിമനോഹരമായ ട്രെയ്ൻ എന്നിവയാണ് ഈ അൾട്രാ മോഡേൺ ഗൗണിനെ ആകർഷകമാക്കുന്നത്. വ്യത്യസ്തമായ സ്റ്റൈലിങ് ആണു താരത്തിന് സ്പെഷല് ലുക്ക് നൽകുന്നത്.
വെൽവറ്റ് ഗ്ലൗസ്, വജ്രക്കമ്മൽ, ബ്രേസ്ലറ്റ് എന്നിവയാണ് ആക്സസറീസ്. ഗ്ലാം മേക്കപ്പും ഓപ്പൺ ഹെയർ സ്റ്റൈലും സണ്ണിയെ അതിസുന്ദരിയാക്കുന്നു. സെലിബ്രിറ്റി ഫാഷൻ സ്റ്റൈലിസ്റ്റുമാരായ ഹിതേന്ദ്ര കാപൂപാരയും സമീർ കതാരിയയുമാണ് സണ്ണിയെ സ്റ്റൈൽ ചെയ്തത്.
Sunny Leone in hot look; Pictures