ദന്താരോഗ്യത്തില്‍ ഒന്നാമതായി ശ്രദ്ധിക്കേണ്ട കാര്യമാണ് പല്ലു തേപ്പ്. പല്ല് വൃത്തിയായി സൂക്ഷിക്കുന്നത് നമ്മുടെ ആരോഗ്യത്തിന് അന്ത്യന്താപേക്ഷികമായ കാര്യമാണ്. ഒരു ദിവസം രണ്ട് നേരം പല്ല് തേക്കണമെന്നാണ് ലോകാരോഗ്യ സംഘടനയുടെ നിര്‍ദ്ദേശം.
പല്ല് തേക്കുന്നതിലൂടെ വായില്‍ അടിഞ്ഞു കൂടിയിരിക്കുന്ന ബാക്ടരീയകളും ഭക്ഷണത്തിന്റെ അവശിഷ്ടങ്ങളും നീക്കം ചെയ്യപ്പെടുന്നു. അപ്പോള്‍ പ്രധാനമായും ഉണ്ടാവുന്ന സംശയം പ്രഭാതഭക്ഷണത്തിന് മുന്‍പ് പല്ല് തേക്കണോ എന്നാണ്.
കാരണം രാത്രി ഭക്ഷണത്തിന് ശേഷം ഉറങ്ങുന്നതിന് മുമ്ബ് പലരും പല്ല് തേക്കുന്നുണ്ട്. പ്രഭാതഭക്ഷണം കഴിക്കാനായി വീണ്ടും രാവിലെ പല്ലു തേക്കുന്നു. അപ്പോള്‍ പ്രഭാതഭക്ഷണത്തിന്റെ അവശിഷ്ടങ്ങള്‍ പിന്നീട് വായില്‍ തങ്ങി നില്‍ക്കില്ലേ എന്നാണ് പലരുടേയും സംശയം.
അതായത് രാത്രി ഭക്ഷണത്തിന് ശേഷം പല്ലു തേക്കുന്നവര്‍, പ്രഭാതഭക്ഷണത്തിന് മുന്‍പുള്ള പല്ല് തേപ്പ് ഒഴിവാക്കി ഭക്ഷണം കഴിച്ചതിന് ശേഷം പല്ല് തേക്കുന്നതില്‍ തെറ്റില്ലെന്നാണ് ചിലരുടെ വാദം. എന്നാല്‍ ഒരു തവണ മാത്രം ബ്രഷ് ചെയ്യുന്നവരാണെങ്കില്‍ അവര്‍ തീര്‍ച്ചയായും രാവിലെ പ്രഭാത ഭക്ഷണത്തിന് മുന്‍പ് തന്നെ ബ്രഷ് ചെയ്തിരിക്കണമത്രേ.
കാരണം പല്ലിലുണ്ടാവുന്ന ബാക്ടീരിയകള്‍ 12 മണിക്കൂറിനകം നീക്കം ചെയ്യപ്പെട്ടില്ലെങ്കില്‍ പല്ലിനെ സാരമായി തന്നെ ബാധിക്കും. നമ്മള്‍ കഴിക്കുന്ന ആഹാരത്തിന്റെ സമയമനുസരിച്ച്‌ പ്രഭാതഭക്ഷണത്തിന് ശേഷമാണോ മുന്‍പാണോ ബ്രഷ് ചെയ്യേണ്ടതെന്ന് തീരുമാനിക്കാമെന്ന് ഡല്‍ഹിയിലെ പ്രശസ്ത ഡോക്ടറായ നീരജ് വര്‍മ പറയുന്നു.
രാത്രി ഭക്ഷണം കഴിച്ച ശേഷം ബ്രഷ് ചെയ്യാത്തവരാണെങ്കില്‍ നിര്‍ബന്ധമായും പ്രഭാതഭക്ഷണത്തിന് മുന്‍പ് ബ്രഷ് ചെയ്യണം. രാത്രി പല്ല് തേച്ച്‌ കിടന്നുറങ്ങിയവരാണെങ്കില്‍ പ്രഭാതഭക്ഷണം കഴിച്ച ശേഷം ബ്രഷ് ചെയ്യുന്നത് കൊണ്ട് കുഴപ്പമില്ലെന്ന് സാരം. എന്നിരുന്നാലും ദന്തരോഗവിദഗ്ധന്റെ ശുപാര്‍ശയ്‌ക്കനുസരിച്ച്‌ ഓരോരുത്തരുടെ പല്ലിന്റെ ആരോഗ്യമനുസരിച്ച്‌ വേണം പല്ല് തേപ്പ്.
Can you eat breakfast without brushing your teeth? Let's see what the doctor says
.jpeg)
.jpeg)
_(22).jpeg)
.jpeg)
