തൈറോയ്ഡ് അസന്തുലിതാവസ്ഥയെ സൂചിപ്പിക്കുന്ന ചില ലക്ഷണങ്ങളുണ്ട്.കഴുത്തിന് മുന്നിൽ സ്ഥിതിചെയ്യുന്ന തൈറോയ്ഡ് ഗ്രന്ഥി തൈറോയ്ഡ് ഹോർമോണുകൾ ഉത്പാദിപ്പിക്കാൻ സഹായിക്കുന്നു, അത് നമ്മുടെ ശരീര താപനില, ഹൃദയമിടിപ്പ് എന്നിവയും അതിലേറെയും ഉൾപ്പെടെയുള്ള ശാരീരിക പ്രവർത്തനങ്ങളെ നിയന്ത്രിക്കുന്നു. നമ്മുടെ തൈറോയ്ഡ് ഹോർമോണുകൾ സന്തുലിതമല്ലെങ്കിൽ ഒരുപാട് പ്രശ്നങ്ങൾ ശരീരത്തിൽ സംഭവിക്കാം.
നിങ്ങളുടെ തൈറോയ്ഡ് അസന്തുലിതമാവുകയാണെങ്കിൽ, ഉപാപചയം, ഊർജ്ജ നില, ശരീര താപനില, സന്താനോത്പാദന ശേഷി, ശരീരഭാരം വർദ്ധനവ്/നഷ്ടം, ആർത്തവം, മുടിയുടെ ആരോഗ്യം, മാനസികാവസ്ഥ (മാനസിക ആരോഗ്യം), ഹൃദയമിടിപ്പ് തുടങ്ങിയ നിങ്ങളുടെ ശരീരത്തിന്റെ എല്ലാ പ്രവർത്തനങ്ങളെയും ബാധിക്കും.
തൈറോയ്ഡ് നമ്മുടെ മെറ്റബോളിസം നിയന്ത്രിക്കാൻ സഹായിക്കുന്നു. നിങ്ങളുടെ ശരീരം കൂടുതൽ കാര്യക്ഷമമായി പ്രവർത്തിക്കാൻ സഹായിക്കുന്നതിനായി നമ്മൾ കഴിക്കുന്ന ഭക്ഷണത്തെ ഊർജ്ജമാക്കി മാറ്റുക എന്നതാണ് മെറ്റബോളിസത്തിന്റെ പ്രധാന പ്രവർത്തനം. നിങ്ങൾ കഴിക്കുന്ന ഭക്ഷണം ദഹിപ്പിക്കാനും അതിൽ നിന്ന് ആവശ്യമായ പോഷകങ്ങൾ ആഗിരണം ചെയ്യാനും നിങ്ങളുടെ ഭക്ഷണത്തെ ഉപാപചയമാക്കി ഊർജ്ജം നൽകാനും ഇത് സഹായിക്കുന്നു. നിങ്ങളുടെ എൻഡോക്രൈൻ ഗ്രന്ഥി ആവശ്യത്തിന് ഹോർമോണുകൾ (ടി 4, ടി 3) ഉത്പാദിപ്പിക്കാത്തപ്പോൾ, അത് മെറ്റബോളിസത്തെ മന്ദീഭവിപ്പിക്കുകയും ഊർജ്ജ നില കുറയുകയും ക്ഷീണം ഉണ്ടാകാൻ കാരണമാകുകയും ചെയ്യുന്നു.
തൈറോയ്ഡ് അസന്തുലിതാവസ്ഥ ഒന്നുകിൽ ശരീരഭാരം കുറയ്ക്കുകയോ ശരീരഭാരം വർദ്ധിപ്പിക്കുകയോ ചെയ്യും. ഹൈപ്പോതൈറോയിഡിസം ബാധിച്ച ആളുകൾക്ക് ആരോഗ്യകരമായ ഭാരം നിലനിർത്തുന്നത് വളരെ ബുദ്ധിമുട്ടായിരിക്കും. നിങ്ങളുടെ തൈറോയ്ഡ് ഗ്രന്ഥി പുറത്തുവിടുന്ന ഹോർമോണുകൾ നിങ്ങളുടെ മെറ്റബോളിസത്തെ നിയന്ത്രിക്കാനും ഭക്ഷണത്തെ ഊർജ്ജമാക്കി മാറ്റാനും സഹായിക്കുന്നതിനാൽ, നിങ്ങളുടെ തൈറോയ്ഡ് ആവശ്യത്തിന് ഹോർമോണുകൾ ഉത്പാദിപ്പിക്കാത്തപ്പോൾ, നിങ്ങളുടെ ശരീരം അധിക കലോറി എരിക്കുന്നതിൽ പരാജയപ്പെട്ടേക്കാം. ഇത് ശരീരഭാരം വർദ്ധിപ്പിക്കും. ശരിയായ ഭക്ഷണക്രമവും പതിവ് വ്യായാമവും ഇതിൽ നിന്ന് രക്ഷ നേടുവാൻ നിങ്ങളെ സഹായിക്കും.
നിങ്ങളുടെ തൈറോയ്ഡ് മുടിയുടെ വളർച്ചയ്ക്ക് കാരണമാകുന്ന ഇരുമ്പ്, കാൽസ്യം മുതലായ അവശ്യ പോഷകങ്ങൾ ആഗിരണം ചെയ്യാൻ സഹായിക്കുന്നു. തൈറോയ്ഡ് ഗ്രന്ഥിയുടെ ഹോർമോൺ അസന്തുലിതാവസ്ഥ എന്നർത്ഥം വരുന്ന കടുത്ത ഹൈപ്പർ - അല്ലെങ്കിൽ ഹൈപ്പോതൈറോയിഡിസം മുടി കൊഴിച്ചിലിന് ഇടയാക്കും.
ഒരു സ്ത്രീയുടെ ആർത്തവചക്രത്തിൽ തൈറോയ്ഡ് അസന്തുലിതാവസ്ഥയുടെ പ്രഭാവം സ്വാധീനം ചെലുത്തുമെന്ന് ഡോ. ഭാവ്സർ പറയുന്നു. തൈറോയ്ഡിൽ നിന്ന് വളരെയധികം അല്ലെങ്കിൽ വളരെ കുറച്ച് ഹോർമോണുകളുടെ ഉത്പാദനം ആർത്തവം കഠിനമോ കുറവോ ക്രമരഹിതമോ ആകാൻ കാരണമാകും. തൈറോയ്ഡ് മൂലം ആർത്തവത്തിന് മാസങ്ങളോളം കാലതാമസം വരുത്താം - അമെനോറിയ എന്നാണ് ഈ അവസ്ഥ അറിയപ്പെടുന്നത്. അത്തരം സാഹചര്യങ്ങളിൽ, നിങ്ങൾ ഒരു ഗൈനക്കോളജിസ്റ്റിനെ സന്ദർശിക്കണം.
തൈറോയ്ഡ് അളവിന്റെ അസന്തുലിതാവസ്ഥ നിങ്ങളുടെ ശരീരത്തിലെ കോർട്ടിസോളിന്റെ അളവ് വർദ്ധിപ്പിക്കുന്നതിലൂടെ നിങ്ങൾക്ക് സമ്മർദ്ദവും ഉത്കണ്ഠയും വിഷാദവും ഉണ്ടാക്കും. തൈറോയ്ഡ് ഹോർമോണുകൾ നിങ്ങളുടെ ഊർജ്ജ നിലകളെ സ്വാധീനിക്കുന്നതിനാൽ, ഈ ഹോർമോണുകളുടെ കുറഞ്ഞ അളവ് പെട്ടെന്നുള്ള മാനസികാവസ്ഥയിലെ മാറ്റങ്ങൾ, അസ്വസ്ഥത, അസ്വസ്ഥമായ ഉറക്കം എന്നിവയിലേക്കും അതിലേറെ പ്രശ്നങ്ങളിലേക്കും നയിച്ചേക്കാം.
നിങ്ങൾ ഒരു തൈറോയ്ഡ് അസന്തുലിതാവസ്ഥ പ്രശ്നം അനുഭവിക്കുമ്പോൾ, നിങ്ങളുടെ ശരീരത്തിൽ ഗർഭധാരണത്തിന് നിർണായകമായ ചില ഹോർമോണുകൾ ഉണ്ടാവില്ല. ഹൈപ്പോതൈറോയിഡിസം എന്നറിയപ്പെടുന്ന പ്രവർത്ഥനരഹിതമായ തൈറോയ്ഡ് പ്രശ്നം ഉണ്ടെങ്കിൽ, നിങ്ങൾക്ക് ഗർഭം ധരിക്കാൻ കൂടുതൽ ബുദ്ധിമുട്ടായിരിക്കും. ഇത് അണ്ഡോത്പാദനത്തെ ബാധിക്കുക മാത്രമല്ല, ഗർഭസ്ഥശിശുവിനെ പ്രസവിക്കുന്നത് ബുദ്ധിമുട്ടാക്കുകയും ചെയ്യുന്നു.
നിങ്ങളുടെ ഹൃദയമിടിപ്പ് നിയന്ത്രിക്കാനും തൈറോയ്ഡ് ഹോർമോണുകൾ സഹായിക്കുന്നു. നിങ്ങൾക്ക് ഹൈപ്പോ- അല്ലെങ്കിൽ ഹൈപ്പർതൈറോയിഡിസം ബാധിക്കുകയാണെങ്കിൽ, നിങ്ങളുടെ ഹൃദയമിടിപ്പ് ക്രമരഹിതമായ അവസ്ഥയിൽ, വളരെ കുറവോ അല്ലെങ്കിൽ വളരെ കൂടുതലോ ആയിരിക്കും.
Do you know thyroid symptoms?