തടി നമ്മള്‍ പലരേയും അലട്ടുന്ന പ്രശ്‌നമാണ്. മാനസികമായും ഇത് അലട്ടുന്നുണ്ട്. പ്രത്യേകിച്ചും ഒരു പ്രായം കടന്നാല്‍ ഇത് സ്ത്രീ പുരുഷഭേദമന്യേ പലരേയും അലട്ടുന്നു. തടിയില്ലാത്തവരെ കൂടി ബാധിയ്ക്കുന്ന ഒന്നാണ് ചാടുന്ന വയര്‍. പലരും തടിയും വയറും സൗന്ദര്യ പ്രശ്‌നമായി കണക്കാക്കുമെങ്കിലും ഇത് പല ആരോഗ്യ പ്രശ്‌നങ്ങള്‍ വരുത്തുന്ന ഒന്നാണ്.
വയറും തടിയും നിയന്ത്രിയ്ക്കുവാന്‍ വ്യായാമം, ഭക്ഷണ ക്രമീകരണം എന്നിവ പ്രധാനപ്പെട്ടതാണ്. ഇതല്ലാതെ ചില വീട്ടുവൈദ്യങ്ങളും പരിഹാരമായി തയ്യാറാക്കാം. തടിയും വയറും കുറയ്ക്കാന്‍ സഹായിക്കുന്ന ഒരു പ്രത്യേക പൗഡറിനെ കുറിച്ചറിയൂ.
ഇതിനായി വേണ്ടത് കുരുമുളക്, കറുവാപ്പട്ട, ചുക്ക്, ജീരകം, മഞ്ഞള്‍ എന്നിവയാണ്.ശരീരത്തില്‍ കൂടുതല്‍ ചൂടുല്‍പാദിപ്പിയ്ക്കുന്ന ഒന്നാണ് കുരുമുളക്. ഇത് ശരീരത്തിന്റെ അപചയപ്രക്രിയ ചൂടുല്‍പാദിപ്പിച്ചു വര്‍ദ്ധിപ്പിയ്ക്കുകയും ചെയ്യും. ഇത് കൊഴുപ്പു കത്തിച്ചു കളയും. ദഹനപ്രക്രിയ ശക്തിപ്പെടുത്തിയും തടി കുറയ്ക്കാന്‍ കുരുമുളകിന് കഴിയും. ഇതുവഴി തടിയും വയറുമെല്ലാം കുറയും. കുരുമുളകിലെ കാര്‍മിനേറ്റീവ് ഘടകങ്ങള്‍ വായുക്ഷോഭത്തെ ഇല്ലാതാക്കാന്‍ സഹായിക്കുന്നതാണ്. ഇതോടൊപ്പം വയറ് വേദന ശമിപ്പിക്കാനും ഇതിനാവും.
ഇതിനൊപ്പം കറുവാപ്പട്ട കൂടി ഉപയോഗിയ്ക്കും. ഇതും തടിയും വയറും കുറയ്ക്കാന്‍ സഹായിക്കുന്ന ആരോഗ്യകരമായ ഒരു അടുക്കള ചേരുവയാണ്. രോഗപ്രതിരോധ ശേഷി വര്‍ദ്ധിപ്പിക്കുന്ന കാര്യത്തിലും കറുവപ്പട്ട കേമനാണ്. പ്രായഭേദമന്യേ എല്ലാ ആരോഗ്യ പ്രശ്നങ്ങള്ക്കും കറുവപ്പട്ട സഹായിക്കുന്നു. അതിലുപരി ആന്റിഫംഗല്‍, ആന്റിബാക്ടീരിയല്‍ ആന്റി വൈറല്‍ ആയും കറുവപ്പട്ട പ്രവര്‍ത്തിയ്ക്കുന്നു. വയറിന്റെ ആരോഗ്യത്തിനും ഇതേറെ ഗുണം ചെയ്യും. ദഹന പ്രശ്നങ്ങള്ക്കും ഛര്‍ദിയ്ക്കുമെല്ലാം ഇതേറെ നല്ലതാണ്. ഗ്യാസ്, അസിഡിറ്റി പ്രശ്നങ്ങള്ക്കും പരിഹാരമായി വരുന്ന ഒന്നാണിത്.
ചുക്ക് ഉണങ്ങിയ ഇഞ്ചിയാണ്. ഇതിനാല്‍ തന്നെ കൊഴുപ്പും തടിയും കൊളസ്‌ട്രോളുമെല്ലാം കുറയ്ക്കാന്‍ ഏറെ ആരോഗ്യകരമവുമാണ്. ഇത് ദഹനം നമെച്ചപ്പെടുത്തുന്നു. കഴിക്കുന്ന ഏത് ഭക്ഷണങ്ങളെയും എളുപ്പത്തിൽ ദഹിപ്പിക്കാൻ സഹായിക്കുന്ന ഈ വിഭവം ഏറ്റവും ഗുണകരമായ ഒന്നാണ്. ദഹന പ്രക്രിയ എളുപ്പത്തിലായാൽ ശരീരവണ്ണം താനേ കുറയുമെന്നത് സാധാരണയാണ്. ശരീരത്തില്‍ ചൂടുല്‍പാദിപ്പിച്ച് അപചയ പ്രക്രിയ ശക്തിപ്പെടുത്താനും ചുക്ക് ഏറെ നല്ലതാണ്.
ജീരകം പതിവായി കഴിക്കുന്നതിലൂടെ ശരീരഭാരം കുറയ്ക്കാൻ സാധിയ്ക്കും. ഇത് ഭാരം വേഗത്തിലും ആരോഗ്യകരമായ നിരക്കിലും കുറയ്ക്കാൻ സഹായിക്കുന്നു എന്നത് കൂടാതെ, ശരീരത്തിൽ നിന്ന് മോശം കൊളസ്ട്രോൾ നീക്കം ചെയ്ത് നമ്മുടെ ശരീത്തിലെ കൊഴുപ്പിന്റെ അളവ് സന്തുലിതമായി നിലനിർത്തുകയും ചെയ്യുന്നു. ഒരു ടീസ്പൂൺ ജീരകത്തിൽ (ഏകദേശം 20 മുതൽ 21 ഗ്രാം വരെ), എട്ട് കലോറിയെ അടങ്ങിയിട്ടുള്ളൂ. അതിനാൽ, ജീരകം അധിക കലോറി ശരീരത്തിലേക്ക് വരുത്താതെ തന്നെ ആരോഗ്യപരമായ ഗുണങ്ങൾ നിങ്ങൾക്ക് നൽകുന്നു.
പണ്ടുകാലം മുതൽക്കേ മഞ്ഞൾ നമ്മുടെ അടുക്കളയിൽ ഒരു അവിഭാജ്യ ഘടകമാണ്. മുറിവുകളും മുറിവുകളും ഭേദമാക്കുന്നതും നവവധുവിന്റെ മുഖത്ത് തിളക്കം നൽകുന്നതു മുതൽ നല്ല ഉറക്കം ലഭിക്കുന്നത് വരെ മഞ്ഞളിന് അനേകം ഗുണങ്ങളുണ്ട്. അടുക്കളയിലെ പ്രധാന ചേരുവയായ മഞ്ഞള്‍ പല അസുഖങ്ങള്‍ക്കുമുള്ള നല്ലൊന്നാന്തരം മരുന്നു കൂടിയാണ്.
ആന്റി ബാക്ടീരിയല്‍, ആന്റി ഫംഗല്‍ ഗുണങ്ങളുള്ള ഒന്നാണിത്. ശരീരത്തിന് പ്രതിരോധ ശേഷി നല്‍കുന്ന ഇത് ശരീരത്തിലെ ടോക്‌സിനുകളും അമിത കൊഴുപ്പുമെല്ലാം നീക്കാന്‍ ഏറെ നല്ലതാണ്. ഇതിലെ കുര്‍കുമിന്‍ എന്ന ഘടകമാണ് പല ഗുണങ്ങളും നല്‍കുന്നത്. തടിയും വയറും കുറയ്ക്കാന്‍ പ്രധാനപ്പെട്ടൊരു വസ്തുവാണ് മഞ്ഞള്‍. പല രീതിയിലും മഞ്ഞള്‍ തടി കുറയ്ക്കാന്‍ ഉപയോഗിയ്ക്കാം.
ഇതിനായി ജീരകം, കുരുമുളക്,കറുവാപ്പട്ട, ചുക്ക്, മഞ്ഞള്‍ എല്ലാം പൊടിയ്ക്കുക. ഇതില്‍ പൊടിയായി ലഭിയ്ക്കുന്നവ വേണമെങ്കില്‍ അതേ രീതിയില്‍ ഉപയോഗിയ്ക്കാം. ഈ പൗഡര്‍ ഒരു ഗ്ലാസ് കുപ്പിയില്‍ സൂക്ഷിച്ചു വയ്ക്കാം. ചേരുവയ്ക്കായുള്ള കൂട്ടുകള്‍ ഏകദേശം തുല്യ അളവില്‍ മതിയാകും. ഈ പൊടി ദിവസവും ഒരു ടേബിള്‍ സ്പൂണ്‍ വീതം രാവിലെ വെറും വയറ്റില്‍ ഒരു ഗ്ലാസ് ഇളം ചൂടുവെള്ളത്തില്‍ കലക്കി കുടിയ്ക്കാം. ഇത് തടിയും വയറും കുറയ്ക്കാന്‍ ഏറെ നല്ലതാണ്. ശരീരത്തിന് പ്രതിരോധം നല്‍കും. ദഹനം മെച്ചപ്പെടുത്തും.
കൂടുതല്‍ അറിയൂ ...ആരോഗ്യം പരിപാലിക്കൂ...
Magic powder to cut fat ... try one
