കോഴിക്കോട് : കൊയിലാണ്ടിയില്‍ ഇടവഴിയോട് ചേർന്ന മതിൽ കെട്ടിൽ നിന്ന് സ്റ്റീല്‍ ബോംബുകളും വടിവാളും കണ്ടെടുത്തു. കൊല്ലം പിഷാരികാവ് ക്ഷേത്ര ഗ്രൗണ്ടിന് സമീപത്തെ ഇടവഴിയില്‍ നിന്നാണ് മൂന്ന് സ്റ്റീല്‍ ബോബുകളും വടിവാളും കണ്ടെത്തിയത്.
അടുത്തുള്ള വീട്ടുകാരാണ് ആദ്യം ആയുധങ്ങള്‍ കണ്ടത്. ഇവര്‍ വിവരം അറിയിച്ചതിനെ തുടര്‍ന്ന് കൊയിലാണ്ടി പൊലീസും ബോംബു സ്കോഡും സ്ഥലത്തെത്തി അന്വേഷണം ആരംഭിച്ചു.
മുൻപും പിഷാരികാവ് ക്ഷേത്രോത്സവ സമയത്ത് ഇവിടെ നിന്നും ആയുധങ്ങള്‍ കണ്ടെത്തിയിരുന്നു. പ്രദേശത്ത് ബോംബ് സ്ക്വാഡും, പോലീസും പരിശോധന ആരംഭിച്ചതായി സിഐ എന്‍ സുനിൽ കുമാർ പറഞ്ഞു.
Kozhikode steel bombs and baton recovered; Police have started an investigation
