മഥുര : ബെഡില് കിടന്നതിന് 10 വയസുകാരനെ അടിച്ചുകൊന്ന രണ്ടാനച്ഛന് അറസ്റ്റിൽ. ഉത്തര്പ്രദേശിലെ മഥുരയിലുള്ള പുഷ്പ് വിഹാര് കോളനിയില് ബുധനാഴ്ചയാണ് കേസിനാസ്പദമായ സംഭവം നടന്നത്.
കൊലപാതകത്തില് പ്രതി പ്രേംവീറിനെ പുഷ്പ് വിഹാര് ഹൈവേ പൊലീസ് പിടികൂടി. രണ്ടാനച്ഛന് കിടക്കാന് ഉദ്ദേശിച്ചിരുന്ന ഡബിള് കോട്ട് ബെഡില് കൗമാരക്കാരന് രാജു കിടന്നതാണ് കൊലപാതകത്തിന് കാരണമായത്.
കുട്ടിയെ മര്ദിക്കുന്ന സമയം അമ്മ നീലം വീട്ടിലുണ്ടായിരുന്നു. കുട്ടി കൊല്ലപ്പെട്ടെന്ന് മനസിലായതോടെ പ്രതി സ്ഥലത്തു നിന്നും ഓടി രക്ഷപ്പെട്ടെങ്കിലും രണ്ട് മണിക്കൂറിന് ശേഷം ഇയാളെ പൊലീസ് പിടികൂടി.
കുട്ടിയുടെ മൃതദേഹം പോസ്റ്റ്മോര്ട്ടത്തിന് അയച്ചു. മൂന്ന് മാസം മുന്പാണ് ഭര്ത്താവ് മരിച്ചുപോയ നീലത്തെ പ്രേംവീര് വിവാഹം ചെയ്യുന്നത്. നീലവും രണ്ട് ആണ്കുട്ടികളും അടങ്ങുന്ന വീട്ടിലായിരുന്നു പ്രതിയുടെയും താമസം.
Stepfather arrested for beating 10-year-old boy to death for lying in bed