കോഴിക്കോട് : മാളില് ഫിലിം പ്രമോഷന് പരിപാടിക്കിടെ യുവ നടിമാര്ക്ക് നേരെ ലൈംഗിക അതിക്രമം ഉണ്ടായ സംഭവത്തെക്കുറിച്ച് അന്വേഷിക്കാന് പ്രത്യേക പൊലീസ് സംഘത്തെ നിയോഗിച്ചു.
അതിക്രമം നടത്തിയവരെ കണ്ടാല് തിരിച്ചറിയുമെന്ന് നടിമാര് അന്വേഷണ ഉദ്യോഗസ്ഥര്ക്ക് മൊഴി നല്കിയിട്ടുണ്ട്. അക്രമസമയത്തെ ദൃശ്യങ്ങള്ക്ക് പുറമെ പരിപാടിയുടെ മുഴുവന് ദൃശ്യങ്ങളും പരിശോധിക്കാനാണ് അന്വേഷണ ഉദ്യോഗസ്ഥരുടെ തീരുമാനം.
അക്രമം നടന്ന സമയത്തെ ദൃശ്യങ്ങളില് നിന്ന് പ്രതികളെ തിരിച്ചറിയാന് സാധിച്ചിരുന്നില്ല. പരിപാടിയുടെ മുഴുവന് ദൃശ്യങ്ങളും കൈമാറാന് മാള് അധികൃതര്ക്കും സംഘാടകര്ക്കും നിര്ദേശം നല്കി. ഈ മാസം ഇരുപത്തിയേഴിനാണ് കേസിനാസ്പദമായ സംഭവം നടന്നത്.
പുതിയ ചിത്രത്തിന്റെ പ്രമോഷന് പരിപാടിക്കായി മാളിലെത്തിയ രണ്ട് നടിമാര്ക്ക് നേരെയാണ് ലൈംഗിക അതിക്രമം ഉണ്ടായത്. ഇതിലൊരു നടി തന്നെ കയറിപ്പിടിച്ചയാളെ തല്ലിയിരുന്നു. സംഭവത്തിന്റെ ദൃശ്യങ്ങള് സോഷ്യല് മീഡിയയില് പ്രചരിച്ചിരുന്നു.
Sexual Assault in Kozhikode Mall; The actresses will recognize the accused if they see them