കണ്ണൂര് : കണ്ണൂർ പുല്ലൂപ്പിക്കടവിൽ തോണി മറിഞ്ഞ് രണ്ട് പേർ മരിച്ചു. പുല്ലുപ്പിക്കടവിൽ ഇന്നലെ രാത്രിയാണ് തോണി മറിഞ്ഞത്. എന്നാൽ സംഭവം പുറം ലോകമറിഞ്ഞില്ല. ഇന്ന് പുഴയിൽ മൃതദേഹം കണ്ടതിനെ തുടർന്ന് നാട്ടുകാർ വിവരമറിയിച്ചപ്പോൾ പൊലീസും ഫയർ ഫോഴ്സും എത്തുകയായിരുന്നു.
അപ്പോഴാണ് തോണി മറിഞ്ഞത് അറിഞ്ഞത്. രണ്ട് മൃതദേഹങ്ങൾ കരക്കെത്തിച്ചു. ഒരാൾക്കായുള്ള തെരച്ചിൽ തുടരുന്നു. അത്താഴക്കുന്ന് സ്വദേശികളായ റമീസ്,അഷ്കര് എന്നിവരാണ് മരിച്ചത്. സഹദ് എന്നയാൾക്കായി ഫയര് ഫോഴ്സ് തിരച്ചില് നടത്തുന്നു.
അഴിത്തലയിൽ കല്ലുമ്മക്കായ പറിക്കുന്നതിനിടെ കാണാതായയാളുടെ മൃതദേഹം കണ്ടെത്തി
വടകര : ഇന്ന് രാവിലെ അഴിത്തലയിൽ നിന്നും കല്ലുമ്മക്കായ പറിക്കുന്നതിനിടെ കാണാതായ ആളെ മരിച്ച നിലയിൽ പയ്യോളിയിൽ നിന്നും കണ്ടെത്തി. ചോമ്പാല മുക്കൂട്ടത്തിൽ സ്വദേശി സിദ്ദീഖ് ' (47) ആണ് മരിച്ചത്.സിദ്ദീഖിൻ്റെ മൃതദേഹം വടകരയിൽ എത്തിച്ചു.
പയ്യോളി കോസ്റ്റൽ പോലീസിലാണ് മൃതദേഹം കിട്ടിയത് കിട്ടിയത്. ആദ്യം വടകര സിഎം ഹോസ്പിറ്റലിലും, പിന്നീട് പോസ്റ്റ്മോർട്ടം ഇൻക്വസ്റ്റ് നടപടിക്കായി വടകര ഗവൺമെൻറ് ആശുപത്രിയിലേക്ക് മാറ്റി. പൊലീസ് നടപടിക്രമത്തിനുശേഷം മൃതദേഹം പോസ്റ്റ്മോർട്ടം നടത്തി ബന്ധുക്കൾക്ക് വിട്ടുകൊടുക്കും.മൂസയാണ് പിതാവ്.
Canoe overturns in Kannur, tragic end for youth; The search for one continues