ഇന്ന് പല സ്ത്രീകളേയും പെണ്കുട്ടികളേയും ബാധിയ്ക്കുന്ന ഒന്നാണ് പിസിഒഡി. പോളിസിസ്റ്റിക് ഓവറി എന്നത് ചെറിയ സിസ്റ്റുകള് ഓവറിയില് ഉണ്ടാകുന്നതാണിത്. ഇതിന് കാരണം ഹോര്മോണ് പ്രവര്ത്തനം തന്നെയാണ്. ഇത് സ്ത്രീകളില് മുഖത്ത് രോമവളര്ച്ച, ആര്ത്തവ പ്രശ്നം, മുഖക്കുരു തുടങ്ങിയ പല പ്രശ്നങ്ങളുമുണ്ടാക്കുന്നു.
5-10 വര്ഷങ്ങള്ക്കപ്പുറത്ത് ഇത് 5 ശതമാനം പെണ്കുട്ടികളെ മാത്രം ബാധിയ്ക്കുന്ന അവസ്ഥയായിരുന്നുവെങ്കില് ഇന്നത് 40 ശതമാനം വരെ പെണ്കുട്ടികളെ ബാധിയ്ക്കുന്നു. രണ്ടു മൂന്നു മാസം വരുമ്പോള് മാത്രം ആര്ത്തവം വരിക, വന്നാല് തന്നെ വളരെ കുറവു ബ്ലീഡിംഗ്, വിവാഹ ശേഷം വന്ധ്യതാ പ്രശ്നങ്ങള് എന്നിവയെല്ലാം തന്നെ ഈ രോഗം വരുത്തി വയ്ക്കുന്ന പ്രശ്നങ്ങളാണ്. സാധാരണ സ്ത്രീകളെ അപേക്ഷിച്ച് പിസിഒഡി ഉള്ളവരില് വന്ധ്യതാ സാധ്യത പത്തിരട്ടിയാണെന്നു പറയാം. ഇത്തരം രോഗമുള്ളവര് ഭക്ഷണ നിയന്ത്രണം വയ്ക്കുന്നത് നല്ലതാണ്. ഇത്തരക്കാര് കഴിയ്ക്കേണ്ട ഭക്ഷണത്തെ കുറിച്ചറിയൂ.
മൂന്നു നേരം കഴിയ്ക്കുന്നവരില് നിന്നും ആറു നേരം കഴിയ്ക്കുകയെന്നതാണ് പിസിഒഡി ഉളളവര്ക്ക് നല്ലത്. കാരണം ഇന്സുലിന് റെസിസ്റ്റന്സ് കുറയുന്നതാണ് പിസിഒഡി വരാനുള്ള പ്രധാന കാരണം. അതായത് പാന്ക്രിയാസ് പ്രവര്ത്തനം കുറയുന്നു. ഇന്സുലിന് ഉണ്ടെങ്കിലും ഷുഗറിനെ തിരിച്ചറിഞ്ഞ് അത് നീക്കം ചെയ്യാന് സാധിയ്ക്കില്ല. ഇതു വഴി ഈസ്ട്രജന് ഹോര്മോണ് ഉല്പാദനം കുറയും. പുരുഷ ഹോര്മോണായ ആന്ഡ്രോജന് കൂടും. ഇതിനാല് ഇവര്ക്ക് രോമവളര്ച്ച കൂടും, പുരുഷസ്വരം ഉണ്ടാകും. ഇതിനാല് ഇന്സുലിന് പ്രവര്ത്തനം ശരിയാക്കണം. ഇതിനായി ഭക്ഷണ ശീലം നിയന്ത്രിക്കണം.
ഇതിനായി വേണ്ടത് ആറുനേരം കഴിയ്ക്കുക. അതായത് കുറേശെ വീതം കഴിയ്ക്കുക.നല്ല രീതിയില് ഉറങ്ങുക. അതായത് 10.30ന് എങ്കിലും ഉറങ്ങുക. നേരത്തെ എഴുന്നേറ്റാലും കുഴപ്പമില്ല. ഇതുപോലെ 7 മണിക്ക് ശേഷം ഉറങ്ങരുത്. നേരം വൈകി ഉറങ്ങുന്നതും നേരം വൈകി ഉണരുന്നതും ഇന്സുലിന് ഉല്പാദനത്തെ, പാന്ക്രിയാസ് പ്രവര്ത്തനത്തെ ബാധിയ്ക്കും. ഇതു പോലെ ഇവര് കഴിയ്ക്കേണ്ട ചില ഭക്ഷണങ്ങളുമുണ്ട്. നാരുകള് അടങ്ങിയ ഭക്ഷണം, ലീന് പ്രോട്ടീന്, അതായത് മീന്, ചിക്കന്, പയര്, കടല, പനീര് പോലുളളവ, ആന്റി ഇന്ഫ്ളമേറ്ററി ഭക്ഷണങ്ങള് എന്നിവ. ഇതു പോലെ ആന്റി ഓക്സിഡന്റുകള് കഴിയ്ക്കണം. പഞ്ചസാര പോലുള്ള കൃത്രിമ മധുരങ്ങള് ഒഴിവാക്കുക. സുക്രോസ്, ഫ്രക്ടോസ് കോണ് സിറപ്പ്, ഡെക്ട്രോസ് ഷുഗര് എന്നിവ ഒഴിവാക്കുക. ഡെക്ട്രോസ് തേന്, ഈന്തപ്പഴം സിറപ്പ് എന്നിവയില് ഉണ്ട്. ഇതിനാല് തേന് ആരോഗ്യകരമെങ്കിലും പിസിഒഡി ഉള്ളവര്ക്ക് നല്ലതല്ല.
പ്രാതലിന് 40 ശതമാനം പ്രോട്ടീന് വേണം. ചെറുപയര്,കടല വര്ഗങ്ങള് ആകാം. ഇവ കൊണ്ട് ദോശ പോലുള്ള കഴിയ്ക്കാം. പനീര് കറി, ഇലക്കറി, മുട്ടയുടെ വെള്ള, സ്റ്റീല്കട്ട് ഓട്സ് എന്നിവ നല്ലതാണ്. ഇവ കൊണ്ടുള്ള ആരോഗ്യകരമായ വിഭവങ്ങള് കഴിയ്ക്കാം. ഇവയുണ്ടാക്കുമ്പോള് പച്ചക്കറി ചേര്ക്കുന്നതാണ് കൂടുതല് ആരോഗ്യകരം. പിസിഒഡിയെങ്കില് ഇടയ്ക്കിടെ വിശപ്പു വരും. അപ്പോള് ആരോഗ്യകരമായ ഭക്ഷണം കഴിയ്ക്കുക. ഇതു പോലെ നട്സ് കഴിയ്ക്കാം. ഇവര് തവിടുള്ള ചോറ് കഴിയ്ക്കുന്നത് നല്ലതാണ്. ചെറിയ അളവില് ഇത് കഴിയ്ക്കാം. വെള്ള അരിയ്ക്കു പകരം മട്ടയരി ഉപയോഗിയ്ക്കാം. ഇതു പോലെ കുറവ് അളവ് കഴിയ്ക്കുക. മോര് കഴിയ്ക്കാം. കിഴങ്ങ് വര്ഗം കഴിവതും കുറയ്ക്കുക. മധുരക്കിഴങ്ങ് അത്യാവശ്യം കഴിയ്ക്കാം. ബാക്കി കിഴങ്ങ് വര്ഗം ഉപേക്ഷിയ്ക്കുക. രാത്രി ഭക്ഷണം ഫ്രൂട്സ് ആക്കുക. ഇത് 7നു മുന്പേ കഴിയ്ക്കുക. നല്ല ഉറക്കം, വ്യായാമം പ്രധാനം.
ഇവര് കഴിയ്ക്കേണ്ട ചിലതുണ്ട്. രാവിലെ ഉണരുമ്പോള് കട്ടന്ചായയോ കാപ്പിയോ കഴിയ്ക്കാം. പാല് വേണ്ട, ഇതു പോലെ മധുരം ഒഴിവാക്കുക. ഇത് ശര്ക്കരയെങ്കിലും. ഇതല്ലെങ്കില് കറുവാപ്പട്ട ചായ, ഉലുവാ വെള്ളം കുടിയ്ക്കാം. ഇതു പോലെ കറിവേപ്പില, ഉലുവ, മുരിങ്ങയിയ എന്നിവ ഈ പ്രശ്നമുള്ളവര്ക്ക് നല്ലതാണ്. കറിവേപ്പില, ഉലുവ, വേപ്പില അരച്ചു ചേര്ത്ത് കഴിയ്ക്കുന്നതാണ് കൂടുതല് നല്ലത്. ഇത് ദഹിച്ച് ശരീത്തില് പിടിക്കണം എന്നതാണ് പ്രധാനം. ഇതിലെല്ലാം ഫൈബറും ഉണ്ട്.
Do you have PCOD? Eat six times, because