അടുക്കള അമ്മമാരുടെ മാത്രമല്ലല്ലോ... കുട്ടികൾക്കൊപ്പം ആവാം അല്പം പാചകം, കുട്ടിപ്പട്ടാളത്തിന് എളുപ്പത്തിൽ തയാറാക്കാനുള്ള കപ്പൂച്ചിനോ ഷേക്ക് എങ്ങനെയാണ് ഉണ്ടാകുന്നതെന്ന് നോക്കാം ..
ചേരുവകകൾ
1. പാൽ - ഒരു പാക്കറ്റ്
2. പഞ്ചസാര -പാകത്തിന്
ചോക്ലെറ്റ് ചുരണ്ടിയത് -രണ്ടു വലിയ സ്പൂൺ
ഇന്സ്റ്റന്റ് കോഫി പൗഡർ - രണ്ടു ചെറിയ സ്പൂൺ
ചോക്ലെറ്റ് ഐസ്ക്രീം - ഒരു സ്കൂപ്
3. ക്രീം അടിച്ചത്, ചോക്ലെറ്റ് സിറപ്പ് , ചോക്ലെറ്റ് ബിസ്ക്കറ്റ് കഷണങ്ങൾ - അലങ്കരിക്കാൻ
പാകം ചെയ്യുന്ന വിധം
∙ പാൽ ഫ്രീസറിൽ വച്ചു കട്ടിയാക്കുക.
∙ പാലും രണ്ടാമത്തെ ചേരുവയും നന്നായി അടിച്ചു യോജിപ്പിക്കുക .
∙ നീളമുള്ള ഗ്ലാസ്സിലൊഴിച്ച് മൂന്നാമത്തെ ചേരുവ കൊണ്ട് അലങ്കരിച്ച് വിളമ്പാം.
വളരെ എളുപ്പത്തില് എല്ലാവര്ക്കും ഉണ്ടാക്കാന് കഴിയുന്നതും ഇഷ്ടപ്പെടുന്നതുമായ ഒന്നാണ് .
Let's see how to make a tasty cappuccino shake ....