കണ്ണൂര് : കണ്ണൂര് തളിപ്പറമ്പില് തിമിംഗല ഛര്ദ്ദിയുമായി രണ്ട് പേര് പിടിയില്. മാതമംഗലം കോയിപ്ര സ്വദേശി ഇസ്മായില്, ബംഗളൂരുവിലെ കെ എം അബ്ദുല് റഷീദ് എന്നിവരാണ് പിടിയിലായത്. 30 കോടി രൂപ മോഹവിലയുള്ളതാണ് തിമിംഗല ഛര്ദ്ദിയെന്ന് വനം വകുപ്പ് അധികൃതര് പറഞ്ഞു.
കണ്ണൂര് ഫ്ലയിങ് സ്ക്വാഡ് റേഞ്ച് ഓഫീസറും തളിപ്പറമ്പ് റേഞ്ച് ഓഫീസറും സംയുക്തമായി നടത്തിയ വാഹന പരിശോധനയ്ക്കിടയിലാണ് തിമിംഗല ഛര്ദ്ദി പിടികൂടിയത്. തിരുവനന്തപുരം ഫോറസ്റ്റ് വിജിലന്സ് പി.സി.സി.എഫിന് ലഭിച്ച രഹസ്യവിവരത്തിന്റെ അടിസ്ഥാനത്തിലയിരുന്നു പരിശോധന.
9 കിലോഗ്രാം തിമിംഗല ഛര്ദ്ദിയാണ് പിടികൂടിയത്. ഇവര് സഞ്ചരിച്ച വാഹനവും കസ്റ്റഡിയിലെടുത്തു. നിലമ്ബൂര് സ്വദേശികള്ക്ക് വില്പ്പന നടത്താന് കൊണ്ടുപോകുന്നതിനിടയിലാണ് ഇവര് വനം വകുപ്പിന്റെ പിടിയിലായത്.
Two arrested with whale vomit in Kannur