ഇന്നത്തെ തലമുറയെ, ഇത് പ്രായഭേദമന്യേ അലട്ടുന്ന പ്രശ്‌നമാണ് മുടി കൊഴിച്ചില്‍. ഇതിന് കാരണം പലതുമുണ്ടാകാം. വൈറ്റമിന്‍ കുറവു കൊണ്ടാകാം, രോഗങ്ങളുടെ പിന്‍തുടര്‍ച്ചയായാകാം, ഇതു പോലെ ഭക്ഷണത്തിലെ അപര്യാപ്തതയാകാം. മുടി കൊഴിയുന്നതിന് മുടിയില്‍ എന്തെങ്കിലും പുരട്ടുന്നത് കൊണ്ട് മാത്രം കാര്യമില്ല. ഉള്ളിലേയ്ക്ക് ചെല്ലുന്നവയിലും കൂടുതല്‍ ഗുണം വേണം. മുടി കൊഴിച്ചില്‍ അകററാന്‍ കഴിയ്ക്കാവുന്ന ചില പ്രത്യേക ഭക്ഷണങ്ങളുണ്ട്. ഇതെക്കുറിച്ചറിയൂ.
പ്രഭാത ഭക്ഷണത്തില്‍ കൂടുതല്‍ പ്രോട്ടീന്‍ ഉള്‍പ്പെടുത്തുക. മുട്ട, ചീസ് എന്നിവ രാവിലെ കഴിയ്ക്കാം. പയര്‍ വര്‍ഗവും രാവിലെ ഒരു ബൗള്‍ കഴിയ്ക്കാം. ഇവ മുളപ്പിച്ചതെങ്കില്‍ കൂടുതല്‍ നല്ലതാണ്. ഇതില്‍ ധാരാളം മിനറലുകള്‍ അടങ്ങിയിട്ടുണ്ട്. ഉച്ചയ്ക്ക് തവിടുള്ള അരി ഏറെ നല്ലതാണ്. ഇതില്‍ ബയോട്ടിന്‍ ഏറെയുണ്ട്. ഇതുപോലെ മോര് നല്ലതാണ്. നോണ്‍ വെജ് കഴിയ്ക്കുന്നവരെങ്കില്‍ മീന്‍ കഴിയ്ക്കാം. ചിക്കന്‍ ആകാം, ഇലക്കറി കഴിയ്ക്കാം. അല്‍പം പയര്‍ വര്‍ഗം കഴിയ്ക്കാം. ഇതു പോെല സാലഡുകള്‍ പോലുള്ളവ കഴിയ്ക്കാം. സ്‌നാക്‌സില്‍ നട്‌സ് ഉപയോഗിയ്ക്കാം. വറുത്തവ കഴിയ്ക്കാതിരിയ്ക്കുക. ഫ്രൂട്‌സ് കഴിയ്ക്കാം. രാത്രിയിലും ലൈറ്റ് പ്രോട്ടീന്‍ ആകാം.
ഇതുപോലെ പ്രധാനമാണ് അയേണ്‍. മുടിയിലേത് പെട്ടെന്ന് വിഭജിക്കുന്ന കോശമാണ്. ഇതിന്റെ കുറവ് പെട്ടെന്ന് മുടി കൊഴിച്ചിലായി പ്രത്യക്ഷപ്പെടുന്നു. നോണ്‍ വെജ് കഴിയ്ക്കുന്നവരേക്കാള്‍ വെജ് കഴിയ്ക്കുന്നവരിലാണ് അയേണ്‍ കുറവ് നല്ലതു പോലെ കണ്ടു വരുന്നത്. അയേണ്‍ സമ്പുഷ്ടമായ ഭക്ഷണങ്ങളാണ് ഇറച്ചി, മീന്‍ എന്നിവ. ഇതുപോലെ ഇല വര്‍ഗങ്ങള്‍. ബീറ്റ്‌റൂട്ട് ,ആപ്പിള്‍ പോലുള്ളവ അയേണ്‍ സമ്പുഷ്ടമാണ്. ഇനി വേണ്ടത് ബയോട്ടിന്‍ സമ്പുഷ്ടമായവ ആണ്. മുടി കൊഴിച്ചില്‍ തടയാന്‍ ബയോട്ടിന്‍ അത്യാവശ്യമാണ്. ഇവ നട്‌സ്, പയര്‍ വര്‍ഗങ്ങള്‍, തവിടുള്ള അരി, മുട്ട മഞ്ഞ എന്നിവയെല്ലാം ബയോട്ടിന്‍ സമ്പുഷ്ടമാണ്.
ഏറ്റവും പ്രധാനം പ്രോട്ടീന്‍ അടങ്ങിയ ഭക്ഷണങ്ങളാണ്. നമ്മുടെ ശരീരത്തിന്റെ ഒരു കിലോഗ്രാം ഭാരത്തിന് .9 ഗ്രാം പ്രോട്ടീന്‍ വേണം. 60-65 കിലോ ഭാരമെങ്കില്‍ 45 ഗ്രാം പ്രോട്ടീന്‍ വേണം. കൂടുതല്‍ ശരീര അധ്വാനമുള്ള രോഗമെങ്കില്‍ കൂടുതല്‍ പ്രോട്ടീന്‍ വേണം. പ്രോട്ടീന്‍ കുറഞ്ഞാല്‍ അത് ആദ്യം മുടി കൊഴിച്ചിലായി പ്രത്യക്ഷപ്പെടുന്നു. മീന്‍, ഇറച്ചി, മുട്ട, പാലുല്‍പന്നങ്ങള്‍, പരിപ്പ്, പയര്‍, കടല, പനീര്‍ എന്നിവയെല്ലാം പ്രോട്ടീന്‍ സമ്പുഷ്ടമാണ്. ഇതുപോലെ കൂണ്‍ പ്രോട്ടീന്‍ സമ്പുഷ്ടമാണ്.
ഒമേഗ ത്രീ ഫാറ്റി ആസിഡുകള്‍ മുടിയ്ക്ക് പ്രധാനമാണ്. ഇതിനായി ചാള, ചൂര പോലുള്ള മത്സ്യങ്ങള്‍ നല്ലതാണ്. നട്‌സ്, ഫ്‌ളാക്‌സ് സീഡുകള്‍ എന്നിവ നല്ലതാണ്. വെജ് കഴിയ്ക്കുന്നവര്‍ക്ക് ബട്ടര്‍ ഫ്രൂട്ട്, സീകോഡ് എന്നിവ കഴിയ്ക്കാം. ഇതു പോലെ വൈറ്റമിന്‍ ഡി പ്രധാനമാണ്. ഇത് പ്രധാനമായും സൂര്യപ്രകാശത്തില്‍ നിന്നും ലഭിയ്ക്കുന്നു. മുട്ട, നട്‌സ്, കൂണ്‍ എന്നിവയെല്ലാം തന്നെ വൈറ്റമിന്‍ ഡി സമ്പുഷ്ടമാണ്.
കൂടുതല്‍ അറിയൂ ...ആരോഗ്യം പരിപാലിക്കൂ
There is a hair loss diet to reverse hair loss
