തൃശൂർ : തൃശൂരില് മരിച്ച യുവാവിന് മങ്കിപോക്സ് സ്ഥിരീകരിച്ചു. പൂനൈ വൈറോളജി ലാബിൽ നടത്തിയ പരിശോധനാഫലത്തിലാണ് മങ്കിപോക്സ് സ്ഥിരീകരിച്ചത്. നേരത്തെ വിദേശത്ത് വച്ച് നടത്തിയ പരിശോധനയിലും ആലപ്പുഴ വൈറോളജി ലാബിലെ പരിശോധനാഫലവും പോസിറ്റീവ് ആയിരുന്നു.
മരിച്ച 22കാരന്റെ സമ്പർക്ക പട്ടികയിലുള്ള 15 പേരെ നിരീക്ഷണത്തിലാക്കി. യുവാവുമായി അടുത്ത് ഇടപഴകിയവരും ഒപ്പം ഫുട്ബോൾ കളിച്ചവരുമാണ് നിരീക്ഷണത്തിലുള്ളത്. യുവാവിനെ 21ന് കരിപ്പൂർ വിമാനത്താവളത്തിൽനിന്ന് കൊണ്ടുവന്ന നാലുപേരും നിരീക്ഷണത്തിലുണ്ട്.
റൂട്ട് മാപ്പിൽ ചാവക്കാട്, തൃശൂർ സ്വകാര്യ ആശുപത്രികളുമുണ്ട്. ഫുട്ബാൾ കളിച്ച ശേഷം വീട്ടിലെത്തിയ യുവാവ് തളർന്ന് വീഴുകയായിരുന്നു. ആദ്യം പ്രാദേശിക ഹെൽത്ത് സെന്ററിലും പിന്നീട് തൃശൂരിലെ സ്വകാര്യ ആശുപത്രിയിലും പ്രവേശിപ്പിച്ചു. ഇവിടെ യുവാവിനെ പരിചരിച്ച ആശുപത്രി ജീവനക്കാരും നിരീക്ഷണത്തിലാണ്.
Pune results out; A young man who died in Thrissur was diagnosed with monkeypox