മുംബൈ : ടി20 ലോകകപ്പിന് ശേഷം സ്ഥാനമൊഴിയുന്ന രവി ശാസ്ത്രിക്ക് പകരക്കാരനെ ബിസിസിഐ അന്വേഷിക്കുന്നുണ്ട്. എന്നാല് പുതിയ പരിശീലകനെ കണ്ടെത്താന് സമയമെടുക്കും. ഇതിനിടെയാണ് ന്യൂസിലന്ഡിനെതിരായ പരമ്പര നടക്കുന്നത്. ഈ സാഹചര്യത്തില് പരിചയസമ്പന്നനായ ദ്രാവിഡിന് താല്ക്കാലിക ചുമതല നല്കാനുള്ള ശ്രമത്തിലാണ് ബിസിസിഐ.
നവംബര്- ഡിസംബര് മാസങ്ങളില് ന്യൂസിലന്ഡിനെതിരെ നടക്കുന്ന പരമ്പരയില് ദ്രാവിഡ് ഇടക്കാല പരിശീലകനായി ചുമതലയേല്ക്കുമെന്നാണ് റിപ്പോര്ട്ട്. മൂന്ന് ടി20യും രണ്ട് ടെസ്റ്റുമടങ്ങുന്നത് ന്യൂസിലന്ഡിന്റെ ഇന്ത്യന് പര്യടനം.
ദ്രാവിഡിനെ ഇന്ത്യയുടെ മുഴുവന് സമയപരിശീലകനാക്കാന് ബിസിസിഐയ്ക്ക് താല്പര്യമുണ്ട്. എന്നാല് ദ്രാവിഡ് ഈ ഓഫര് നേരത്തെ തന്നെ തള്ളിയിരുന്നു. നാഷണല് ക്രിക്കറ്റ് അക്കാദമിയുടെ തലവനാണ് ദ്രാവിഡ്. ആ സ്ഥാനത്ത് ദ്രാവിഡ് തുടര്ന്നേക്കും. നേരത്തെ, ഇന്ത്യയുടെ ശ്രീലങ്കന് പര്യടനത്തില് ദ്രാവിഡ് പരിശീലകന്റെ താല്കാലിക ചുമതലയേറ്റിരുന്നു.
അനില് കുംബ്ലെയും പരിശീലകനാവാന് താല്പര്യമില്ലെന്ന തീരുമാനത്തിലാണ്. ഇതിനിടെ വിദേശ പരിശീലകരും ബിസിസിഐയെ സമീപിക്കുന്നുണ്ട്. എന്നാല് ഇന്ത്യക്കാര്ക്ക് ആദ്യ പരിഗണന നല്കാനാണ് ബിസിസിഐ തീരുമാനം.
Rahul Dravid may be India's coach again